Палата прадстаўнікоў падоўжыла збор прапаноў па зменах у Канстытуцыю

Палата прадстаўнікоў падоўжыла збор прапаноў па зменах у Канстытуцыю, паведамляе сайт ніжняй палаты парламента.

«Праца па зборы і аналізу прапаноў па ўнясенні змяненняў у Канстытуцыю Рэспублікі Беларусь (у тым ліку з выкарыстаннем электроннай пошты Zakon@house.gov.by) будзе ажыццяўляцца і пасля 25 кастрычніка 2020 года»., – сказана ў паведамленні.

У Палаце прадстаўнікоў таксама дадалі, што сабраныя матэрыялы будуць абагульнены і прааналізаваны дэпутатамі.

Таксама ў ніжняй палаце парламента нагадалі, што накіраваныя прапановы і іншая інфармацыя не падлягаюць разгляду ў парадку, вызначаным Законам Рэспублікі Беларусь «Аб зваротах грамадзян і юрыдычных асобаў».