У Грузіі вызвалілі 43 заложнікаў з захопленага банка

Паліцыя вызваліла 43 заложнікаў з філіяла банка Грузіі ў Зугдзідзі, заявіла МУС краіны, перадае РИА Новости.

Ведамства не ўдакладняе, на якім этапе знаходзіцца спецаперацыя. Таксама не паведамляюцца іншыя падрабязнасці ўсяго працэсу.

«Спецыяльныя аператыўныя і следчыя мерапрыемствы на месцы не завершаны і вядуцца актыўна. Яшчэ раз заклікаем ўстрымацца ад распаўсюду непацверджанай інфармацыі, якая можа перашкодзіць ажыццяўленню аперацыі. На дадзеным этапе 43 закладнікаў, узятых захопнікам, вызвалілі, і паліцыя перавяла іх на бяспечную тэрыторыю. На месцы працягваюцца следчыя мерапрыемствы», — гаворыцца ў заяве МУС.

Узброены чалавек днём уварваўся ў будынак філіяла Банка Грузіі ў Зугдзідзі і захапіў яго супрацоўнікаў і наведвальнікаў, патрабуючы 500 тысяч долараў. Спецаперацыя доўжылася некалькі гадзін. Людзей выпускалі паэтапна ў абмен на супрацоўніка МУС Аўтанціла Галдаву. Паводле паведамленняў СМІ, ён вёў перамовы з захопнікам і перадаў яму грошы. Удакладняецца таксама, што захопнік атрымаў гарантыі бяспекі пры сыходзе.

Позна ўвечары тэлекампаніі паведамілі аб завяршэнні спецаперацыі і вызваленні амаль усіх заложнікаў. Неўзабаве з’явіліся відэакадры, на якіх відаць, як захопнік з трыма людзьмі пакідае будынак і садзіцца ў паліцэйскі аўтамабіль. Праз некалькі гадзін усе былі вызваленыя і вярнуліся ў Зугдзідзі, іх жыццю і здароўю нішто не пагражае.

Прэв’ю: Getty Images