Вы тут

У панядзелак прыгрэе да плюс 17 градусаў


Актыўныя цыклоны з Паўночнай Атлантыкі прыйшлі да нас не па сезоне. Гэтымі днямі яны пачалі перамяшчацца ва ўсходнім напрамку і перакрылі доступ арктычнаму паветру ў паўднёвыя шыроты. Таму ў Беларусі сталі ўладарыць вятры паўднёвых напрамкаў, якія прынеслі нам досыць цёплае паветра, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Вось і сёння надвор'е будуць вызначаць цёплыя паветраныя масы, якія паступаюць з тэрыторыі Заходняй Еўропы. Удзень па паўночнай частцы краіны адаб'ецца ўплыў франтальнага раздзелу. Тэмпература паветра ўдзень складзе 13—18 цяпла. Такі тэмпературны фон будзе на 4—9 градусаў вышэй за кліматычную норму.

У суботу на тэрыторыі краіны будзе пераважаць воблачнасць, якую да нас прынясе франтальная сістэма, што рухаецца з тэрыторыі Заходняй Еўропы. На большай частцы краіны пройдуць дажджы. У асобных раёнах чакаецца туман. Вецер прагназуецца ўмераны, пераменных напрамкаў. Тэмпература паветра ўначы складзе ад плюс 5 да 11 градусаў цяпла, удзень чакаецца 8—15 градусаў вышэй за нуль.

У нядзелю ноч пройдзе пад знакам дажджу, а ўдзень — пад знакам сонца. На большай частцы Гомельскай і Магілёўскай абласцей і месцамі ў іншых рэгіёнах краіны ў начныя гадзіны пройдуць кароткачасовыя дажджы. А ўдзень атмасферны ціск будзе расці і дажджы спыняцца. Раніцай месцамі будуць згушчацца туманы. Вецер прагназуецца заходні, паўднёва-заходні слабы з узмацненнем да ўмеранага. Тэмпература паветра ўначы складзе 3—9 цяпла, а ўдзень ад плюс 8 да 15 градусаў вышэй за нуль.

Паводле папярэдніх прагнозаў айчынных сіноптыкаў, з панядзелка да серады надвор'е ў краіне будзе вызначаць цёплая перыферыя антыцыклону з цэнтрам над Сярэдняй Волгай. У асноўным абыдзецца без ападкаў. У начныя і ранішнія гадзіны ў асобных раёнах будуць згушчацца туманы. Вецер прагназуецца паўднёвы, паўднёва-ўсходні ўмераны. Асноўны тэмпературны фон уначы складзе 2—9 цяпла, а максімальны ўдзень — ад плюс 8 градусаў вышэй за нуль да 17 цяпла па паўднёвым захадзе краіны.

Сяргей КУРКАЧ

Прэв’ю: rg.ru

Загаловак у газеце: Цяпло, зноў анамальнае цяпло

Выбар рэдакцыі

Грамадства

Распачынаецца сезон атракцыёнаў. Хто і як сочыць за іх станам?

Распачынаецца сезон атракцыёнаў. Хто і як сочыць за іх станам?

У Беларусі адпрацавала 65 % атракцыёнаў (160 штук), а многія працуюць і звыш 30 гадоў.

Эканоміка

Як выбраць кватэру на другасным рынку

Як выбраць кватэру на другасным рынку

За апошнія некалькі месяцаў рынак другаснага жылля прыкметна ажывіўся. 

Грамадства

Каб набываць тавар бяспечна, ці Як абараніць правы спажыўца

Каб набываць тавар бяспечна, ці Як абараніць правы спажыўца

У краіне на 11 % знізілася агульная колькасць зваротаў грамадзян, звязаных з парушэннем правоў спажыўцоў. 

Грамадства

У Беларусі даследуюць вакцыну супраць раку

У Беларусі даследуюць вакцыну супраць раку

Працягваецца навуковае даследаванне ДНК-вакцыны супраць раку ў рамках беларуска-амерыканскага праекта.