Вы тут

Еўрапейскае бюро СААЗ: Атлусценне павялічвае рызыку смяротнага зыходу ад COVID-19


Атлусценне прыводзіць да катастрафічных наступстваў пры COVID-19. Менавіта залішняя вага з'яўляецца адным з фактараў высокага ўзроўню смяротнасці ад новага каранавіруса: хвароба забрала жыццё больш за мільён чалавек. Пра гэта паведамляюць з Еўрапейскага бюро Сусветнай арганізацыі аховы здароўя (СААЗ), піша un.org.


Фота з адкрытых крыніц.

У ходзе нядаўняга даследавання было ўстаноўлена, што людзі з атлусценнем, у тым ліку маладыя, пераносяць COVID-19 значна цяжэй, чым іншыя пацыенты. Яны, як правіла, маюць патрэбу ў інтэнсіўнай тэрапіі і штучнай вентыляцыі лёгкіх.

На сённяшні дзень каля 2,3 млрд чалавек у свеце маюць лішнюю вагу. У еўрапейскім рэгіёне СААЗ ад цяжкай ступені атлусцення пакутуюць каля 400 тысяч дзяцей ва ўзросце ад шасці да дзевяці гадоў.

Асноўная прычына, на думку экспертаў, крыецца ў адсутнасці фізічнай нагрузкі і празмерным спажыванні прадуктаў харчавання, насычаных соллю, натрыем, цукрам і транстлушчамі.

Гэтыя праблемы яшчэ ў большай ступені абвастрыліся з-за мер па ізаляцыі, паколькі многія людзі перасталі займацца ў спартыўных залах, ездзіць на ровары на працу, гуляць і г.д. Некаторыя пазбавіліся заробку і вымушаныя эканоміць на ежы, заказваючы з танных закусачных хуткага харчавання стравы з высокім утрыманнем цукру, транстлушчаў і солі. У некаторых краінах Еўрапейскага рэгіёну вытворцы нездаровай ежы пачалі дамагацца змякчэння рэкламных абмежаванняў на фаст-фуд пад падставай ўплыву наступстваў COVID-19 на эканоміку рэгіёну.

У СААЗ асцерагаюцца, што ўслед за пандэміяй COVID-19 свет сутыкнецца з пандэміяй атлусцення, якое пагражае цяжкімі наступствамі пры інфекцыйных захворваннях, рэзка павялічвае рызыку развіцця сардэчна-сасудзiстых захворванняў, рака і дыябету, а таксама прыводзіць да цэлага шэрагу псіхалагічных праблем.

У чацвер на гэтым тыдні пад эгідай СААЗ адбылася віртуальная сустрэча экспертаў з краін рэгіёну, якія падзяліліся сваім вопытам барацьбы з атлусценнем у кантэксце COVID-19.

На сёння COVID-19 быў выяўлены ў 185 краінах свету. Ім заразіліся больш за 40 мільёнаў чалавек і больш за мільён з іх памерлі. Апошнія дадзеныя, прыведзеныя ў даследаванні, паказваюць, што «атлусценне мае відавочную сувязь з гэтай статыстыкай».

«У СААЗ выказалі гатоўнасць прадаставіць платформу, на якой дзяржавы-члены змогуць дзяліцца сваім вопытам і дадзенымі, якія тычацца атлусцення, неінфекцыйных захворванняў і выпадкаў смерці, звязаных з COVID-19», — сказаў прадстаўнік СААЗ Жоао Брэда. Ён упэўнены, што гэта нарада дапаможа экспертам, медыкам і службовым асобам у рэгіёне ўлічваць фактары рызыкі пры лячэнні пацыентаў з каранавірусам і адлюстроўваць гэтыя дадзеныя ў сваіх справаздачах і рэкамендацыях.

У ходзе нарады галоўны дыетолаг з Вялікабрытаніі сказала, што ў іх ужо ёсць статыстычныя дадзеныя, якія сведчыць пра тое, што з сакавіка 2020 года краіне назіраецца рэзкі рост продажаў шкодных для здароўя прадуктаў харчавання і рэзкае зніжэнне фізічнай актыўнасці.

У гэтым кантэксце ўсе эксперты былі адзіныя ў тым, што сёння неабходна ўкараняць больш эфектыўную палітыку і падыходы, якія будуць спрыяць дабрабыту і абароне здароўя людзей.

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.