03 снежня, чацвер

Вы тут

Новая баскетбольная пляцоўка з'явілася ў Гомелі


У адным з двароў Гомеля новая баскетбольная пляцоўка стала прыцягальным месцам для аматараў спорту — дзяцей, падлеткаў i iх бацькоў. Спартыўны аб'ект — вынiк агульнага iмкнення зрабiць жыццё юных гамяльчан больш актыўным i прывiць любоў да спорту.


Жылыя дамы №№ 7А i 7Б па вулiцы 8-й Iншагародняй пабудаваныя не так даўно. Засялiлiся туды ў асноўным маладыя сем'i, якiя маюць дваiх i больш дзяцей. Але спачатку ў двары ўвогуле адсутнiчала абсталяванне для гульняў. З iнiцыятывай зрабiць дзiцячыя пляцоўкi выступiлi самi жыхары. Стварылi ў сецiве групу i кiнулi клiч, каб аб'яднаць намаганнi. У вынiку пры падтрымцы адмiнiстрацыi Чыгуначнага раёна i КЖРЭУП «Сельмашаўскае» месцiчы ўладкавалi гульнявую пляцоўку.

Але гэта была тэрыторыя для малодшых дзетак. Старэйшыя дзецi i падлеткi марылi аб сапраўднай баскетбольнай пляцоўцы. З просьбай аб арганiзацыi такога аб'екта жыхары дамоў звярнулiся ў Гомельскi аблвыканкам. I не дзiўна, бо пэўны час аматары рухавых спартыўных гульняў вымушаны былi займаць стадыён дзяржаўнага каледжа народных промыслаў, што размешчаны побач з дварамi. Гэта, дарэчы, адзiны такi спартыўны аб'ект ва ўсiм мiкрараёне.

У адказ на зварот з аблвыканкама мясцовым жыхарам паступiла прапанова таксама прыняць удзел у гэтай справе. За сабраныя сродкi сем'i набылi шчыты i кольцы. Камунальнiкi раённай арганiзацыi занялiся ўладкаваннем аб'екта. Пляцоўку для гульнi ў баскетбол заасфальтавалi работнiкi Гомельскага гарадскога дарожна-будаўнiчага рамонтнага трэста.

Жыхар дома № 7А, бацька дваiх дзяцей Мiкалай Колаш ад iмя ўсiх жыхароў накiраваў старшынi аблвыканкама Генадзю Салаўю падзяку за аператыўную дапамогу мясцовых улад.

«Шчыры дзякуй за атрыманне магчымасцi нашым дзецям, дзецям з найблiжэйшых дамоў умацоўваць здароўе, атрымлiваць зарад бадзёрасцi... Абавязуемся на асабiстым прыкладзе прывучаць iх да здаровага спосабу жыцця, выхоўваць будучых чэмпiёнаў, захоўваць i памнажаць найлепшыя традыцыi на карысць свайго роднага горада i будучага пакалення», — адзначыў гамяльчанiн у сваiм звароце.

Наталля КАПРЫЛЕНКА

Загаловак у газеце: Галоўнае — захацець

Выбар рэдакцыі

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.

Грамадства

Непаўналетнiя ў крымiнальным працэсе: практычныя нюансы

Непаўналетнiя ў крымiнальным працэсе: практычныя нюансы

Пра асаблiвасцi абароны правоў дзяцей-правапарушальнiкаў (затрыманне, прымяненне мер стрымлiвання, следчыя дзеяннi) расказалi эксперты падчас аднаго з вэбiнараў, якiя сумесна з Рэспублiканскай калегiяй адвакатаў Дзiцячы фонд ААН (ЮНIСЕФ) у Беларусi арганiзаваў яшчэ летам. 

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.