Вы тут

Тэатр эстрады падрыхтаваў вялікую праграму для дзяцей на канікулах


Тэатр эстрады падрыхтаваў вялікую праграму для дзяцей на канікулах, паведаміў БЕЛТА рэжысёр тэатра Іван Клешчанка.


«Тэатр эстрады заўсёды стараецца не проста зрабіць разнастайным дзіцячы адпачынак на працягу канікул, але і здзівіць новым і цікавым. Менавіта таму кожны год мы выпускаем некалькі прэм’ерных пастановак для нашых юных гледачоў. На асенніх канікулах пройдзе адразу некалькі мюзіклаў, адзін з якіх новы. Гэта будзе наша вясенняя прэм’ера, якую з-за розных абставін шмат гледачоў не змагло ўбачыць. Новы дзіцячы мюзікл «Ох і Ах і Гаргамель» у Тэатры эстрады пакажам 1 і 2 лістапада, — расказаў рэжысёр тэатра Іван Клешчанка. — Гэта будзе казачная гісторыя пра маленькіх чалавечкаў Ох і Ах, якія дзякуючы свайму таце Пупсу змаглі на час стаць вялікімі і вырашылі супрацьстаяць злой чараўніцы Гаргамель. Вядзьмарка захацела захапіць казачны свет, але маленькія казачныя істоты выпіваюць эліксір празрыстасці і становяцца нябачнымі для вачэй злой чараўніцы. І тут пачынаюцца самыя цікавыя прыгоды, якія толькі можна ўявіць».

Акрамя новай пастаноўкі, на асенніх канікулах юных гледачоў чакаюць яшчэ два даўно ўпадабаныя музычныя паказы. 7 лістапада тут пакажуць дзіцячы мюзікл «Двое з куфэрка — аднолькавыя з твару», а 8 лістапада — дзіцячы мюзікл «Мяшок з сюрпрызам». Пастаноўкі Тэатра эстрады заўсёды вызначаюцца цікавымі сюжэтамі, яркімі персанажамі і касцюмамі, музычнасцю, а абавязковы элемент усіх паказаў — шмат інтэрактыву і гульняў з гледачамі.

Зімовыя канікулы ў Тэатры эстрады таксама абяцаюць быць цікавымі і чароўнымі. Для маленькіх гледачоў рыхтуюць адразу дзве навагоднія прэм’еры: дзіцячы мюзікл і квест-казку. Дзве новыя вельмі цікавыя гісторыі, сустрэчы з любімымі героямі, вясёлыя гульні з Дзедам Марозам і Снягурачкай, шмат музыкі, песень і танцаў, святочныя фотазоны ў фае — гэта толькі невялікая частка навагодняга свята, якое рыхтуе Тэатр эстрады.

Прэв’ю: БЕЛТА

Выбар рэдакцыі

Грамадства

Мiтрапалiт Веньямiн: Нам усiм неабходна прасiць у Бога мудрасцi i разважлiвасцi

Мiтрапалiт Веньямiн: Нам усiм неабходна прасiць у Бога мудрасцi i разважлiвасцi

Патрыяршы экзарх падзялiўся сваiмi думкамi пра асаблiвасцi i сапраўдную небяспеку сённяшняга часу.

Спорт

16-гадовая тэнiсiстка Дар'я Хамуцянская:  На корце сяброў няма

16-гадовая тэнiсiстка Дар'я Хамуцянская: На корце сяброў няма

У яе планах — стаць лепшай за Арыну Сабаленку.

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.