12 бронзавых чаек «прызямліліся» на бераг дэкаратыўнага воднага канала, які аб’ядноўвае дзве часткі «Пірса» ў адзіны комплекс. Кожная скульптура ўнікальная: у кампазіцыі, як і ў прыродзе, няма дзвюх цалкам ідэнтычных птушак. Адны чайкі размясціліся на прыродных валунах, іншыя — «уладкаваліся» на воднай роўнядзі.
Арт-набярэжная створана вядомымі беларусамі — скульптарам Канстанцінам Селіханавым і архітэктарам Юрыем Градавым. Па іх задумцы, у кожнай чайкі — свой характар і свая роля: хтосьці сядзіць адасоблена, а хтосьці трымаецца бліжэй да іншых птушак.
«Скульптуры размешчаны ў рэкрэацыйнай зоне квартала «Пірс», куды людзі прыходзяць адпачыць, набрацца сіл і энергіі, пагутарыць, атрымаць асалоду ад прыроды. Кампазіцыя «Мора побач» стварае для гэтага адпаведную аснову. Гэта месца для адасобленых назіранняў і разважанняў, ці прасторы для дыялогу, дзе можна падзяліць агульныя эмоцыі і каштоўнасці», — раскрываюць задуму аўтары.
Ганна ЗАНКАВІЧ
Міжнародная спецыялізіваная выстаўка жыллёва-камунальнай гаспадаркі пройдзе ў Мінску.
Максімальнага значэння за летні сезон тэмпература паветра дасягнула 13 ліпеня на станцыі Жыткавічы і склала 37,9 градуса спёкі.
Напярэдадні дня нараджэння сталіцы прайшла міжнародная навукова-практычная канферэнцыя.
