Пры правядзенні аператыўна-вышуковых мерапрыемстваў гомельскія мытнікі ўстанавілі незаконную схему ўвозу 52-гадовым жыхаром г. Гомеля легкавых іншамарак. За два гады грамадзянін завёз з Еўропы на тэрыторыю ЕАЭС 12 транспартных сродкаў. Пра гэта паведамілі на сайце ДМК.
Незаконная схема заключалася ў тым, што гамяльчанін «прыганяў» легкавушкі замежнай рэгістрацыі пад выглядам зарэгістраваных на тэрыторыі Рэспублікі Беларусь. Яшчэ за мяжой грамадзянін відазмяняў ідэнтыфікацыйныя нумары кузаваў аўтамабіляў, каб не выплачваць за увезеныя аўто мытныя плацяжы.
Пры ўездзе на тэрыторыю краіны мытнікам кіроўца прадстаўляў тэхнічны пашпарт на аўтамабіль, VIN якога быў увараны на машыну. Рэгістрацыйныя нумары на аўтамабілі таксама адпавядалі ўказаным у тэхпашпарце.
Падобным чынам грамадзянін завёз праз беларуска-польскую мяжу 12 легкавых аўтамабіляў. У большасці выпадкаў гэта былі дваццацігадовыя іншамаркі Citroenи Opel. У выніку незаконных дзеянняў нанесены ўрон дзяржаве ў памеры 140 тыс. беларускіх рублёў.
Гомельскай мытняй у дачыненні да грамадзяніна Рэспублікі Беларусь за ўхіленне ад выплаты мытных плацяжоў у буйным памеры ўзбуджаная крымінальная справа ў адпаведнасці з ч. 1 арт. 231 КК Рэспублікі Беларусь.
Санкцыя гэтага артыкула прадугледжвае пакаранне аж да пазбаўлення волі на тэрмін да трох гадоў.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».