Вы тут

Бюджэт пражытачнага мінімуму павялічыцца


«Дзіцячыя» выплаты таксама падрастуць.

З 1 лістапада ў Беларусі будзе павялічаны бюджэт пражытачнага мінімуму. Гэты паказчык вырасце з Br256,1 да Br258,11 і будзе дзейнічаць да канца студзеня 2021 года, паведамляе БелТА. Памеры бюджэту пражытачнага мінімуму ў сярэднім на душу насельніцтва і па асноўных сацыяльна-дэмаграфічных групах зацверджаны пастановай Міністэрства працы і сацыяльнай абароны ад 23 кастрычніка 2020 года № 95.


БПМ у сярэднім на душу насельніцтва ўстаноўлены на 0,8 % вышэй у параўнанні з нарматывам, які дзейнічае з 1 жніўня да 31 кастрычніка, адзначаюць у Міністэрстве працы і сацыяльнай абароны. Памеры бюджэту пражытачнага мінімуму па асноўных сацыяльна-дэмаграфічных групах наступныя:

  • працаздольнае насельніцтва — Br285,68;
  • пенсіянеры — Br195,15;
  • студэнты — Br248,06;
  • дзеці ва ўзросце да трох гадоў — Br165,18;
  • дзеці ад 3 да 6 гадоў — Br228,85;
  • дзеці ад 6 да 18 гадоў — Br278,16.

Уключаныя ў сістэму сацыяльнай абароны розныя надбаўкі і павышэнні, а таксама асобныя сацыяльныя выплаты, якія вылічаюцца ў залежнасці ад памеру БПМ, таксама зменяцца прапарцыянальна росту бюджэту пражытачнага мінімуму. Гэта памеры дзяржаўных дапамог сем'ям, якія выхоўваюць дзяцей, сацыяльныя пенсіі, даплаты пенсіянерам ва ўзросце 75 гадоў і старэйшым, якія атрымліваюць пенсіі ў органах па працы, занятасці і сацыяльнай абароне, дапамогі па доглядзе за інвалідам І групы альбо за асобай, якая дасягнула 80-гадовага ўзросту, надбаўкі і павышэнні да пенсій, якія прадугледжаны для асобных катэгорый пенсіянераў. Гэтыя выплаты павялічваюцца суразмерна росту БПМ на 0,8 %.

У прыватнасці, з 1 лістапада павялічыцца памер дзіцячых дапамог.

Аднаразовая дапамога пры нараджэнні першага дзіцяці цяпер складзе Br 2581,1 (10 БПМ). Пры нараджэнні другога і наступных дзяцей — Вr 3613,54 (14 БПМ).

Аднаразовая дапамога жанчынам, якія сталі на ўлік у арганізацыях аховы здароўя да 12-тыднёвага тэрміну цяжарнасці, з лістапада будзе выплачвацца ў памеры Br 258,11.

Штомесячная дапамога сем'ям на дзяцей, старэйшых за тры гады, з асобных катэгорый сем'яў, якія вызначаюцца заканадаўствам, складзе:

  • на дзіця-інваліда — Вr 180,68;
  • на іншых дзяцей у сям'і — Br 129,06.
Прэв’ю: sntch.com

Выбар рэдакцыі

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.