Вы тут

На першым блоку БелАЭС выкананы пробны пуск турбіны


На першым блоку Беларускай АЭС выкананы пробны пуск турбіны, паведамілі БелТА ў прэс-службе Міністэрства энергетыкі.


«Паспяхова ажыццёўлены так званы першы штуршок турбіны на магутнасці рэактара 35%. Турбіны пракруцілі на халастым ходзе і паэтапна павялічылі колькасць абаротаў да праектных значэнняў — 3 тыс. абаротаў у хвіліну», — паведамілі ў прэс-службе.

Пуск турбіны — адна з важных аперацый пры падрыхтоўцы энергаблока да пачатку выпрацоўкі электраэнергіі.

«Турбаагрэгат ў адпаведнасці з праграмай выпрабаванняў выведзены на намінальныя абароты. Усе паказчыкі, уключаючы вібрацыйны стан, у норме, што дазваляе нам прыступіць да праграмы выпрабаванняў турбіны на халастым ходзе і генератара перад уключэннем у сетку», — пракаментаваў віцэ-прэзідэнт АТ ІЧ «АСЭ », дырэктар праекта па ўзвядзенню Беларускай АЭС Віталь Палянін.

Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце «АЭС-2006» бліз Астраўца Гродзенскай вобласці. Генеральным падрадчыкам выступае інжынірынгавы дывізіён дзяржкарпарацыі «Расатам». Энергаблокі пакалення «3+» маюць палепшаныя тэхніка-эканамічныя паказчыкі. Галоўная асаблівасць энергаблока — унікальнае спалучэнне актыўных і пасіўных сістэм бяспекі. Энергетычны пуск першага блока БелАЭС плануецца ў лістападзе гэтага года.

Прэв’ю: БелТА

Выбар рэдакцыі

Спорт

Дзмітрый Ходас: Воля, характар і любоў

Дзмітрый Ходас: Воля, характар і любоў

Як не быць алімпійскім чэмпіёнам, але быць героем спорту.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.

Грамадства

Алена Богдан: Любы рух павінен быць паступальным, а не разбуральным

Алена Богдан: Любы рух павінен быць паступальным, а не разбуральным

Яна расказала чытачам «Звязды», ці плануе Беларускі саюз жанчын стаць першай жаночай палітычнай партыяй у краіне і як гэта — сумяшчаць работу ў дзяржапараце з актыўнай грамадскай дзейнасцю.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Хітра ўладкавана чалавечая памяць. Бывае, нешта ўбачыў-пачуў, а што — хоць забі — назаўтра не ўспомніш, а нешта — якраз наадварот — «ляжыць» там гадамі ці нават дзесяцігоддзямі і ўспамінаецца досыць часта...