Уваход у пячорны манастырскі комплекс Кызыл у Сіньцзяне стаў бясплатным для ўсіх катэгорый наведвальнікаў, перадае «Жэньмінь жыбаа» анлайн».
Як паведамілі ў адміністрацыі комплекса, акцыя дзейнічае па 30 красавіка наступнага года. Завітаць у Кызыл магчыма ва ўсе дні апроч панядзелка, які аб’яўлены выходным з мэтай забеспячэння бяспекі помнікаў культуры. Для наведвання комплексу турыстам неабходна будзе за тыдзень забраніраваць тур у інтэрнэце.
Пячорны манастырскі комплекс Кызыл размешчаны на тэрыторыі павета Байчэн акругі Аксу Сіньцзян-Уйгурскага аўтаномнага раёна на паўночным захадзе Кітая. У 349 пячорах на схіле горнага масіва захоўваецца мноства паліхромных скульптур і 10 тысяч вадратных метраў фрэсак, галоўным чынам прысвечаных жыццю заснавальніка будызма Буды Шак’ямуні.
Кызыл лічыцца найстаражытнейшым у краіне падобным комплексам і часткай сеткі маршрутаў Чан’ань-Цяньшанскага калідора Вялікага Шаўковага шляху, які 22 чэрвеня 2014 года ў ходзе 38-й сесіі Міжурадавага камітэта па ахове сусветнай культурнай і прыроднай спадчыны, якая прайшла ў Досе, быў уключаны ў спіс Сусветнай спадчыны ЮНЕСКА.
Прэв’ю: dostoyanieplaneti.ru
Методыка аказалася запатрабаванай у нашай краіне і за яе межамі.
Лёс другога зборніка ў літаратарскай кар’еры — самы складаны.
На пытанні «Звязды» адказвае галоўны рэдактар расійскага літаратурнага часопіса «Москва».
Ужо традыцыя з нагоды Дня роднай мовы прапаноўваць чытачам праверыць свае веды.
