Народны ансамбль цымбалістаў «Вярба» Беларускага дзяржаўнага педагагічнага ўніверсітэта імя Максіма Танка (кіраўнік — старшы выкладчык кафедры музычна-педагагічнай адукацыі Вольга Андрыенка) выступіў у час Мінскага гарадскога фестывалю народнай творчасці «Сузор’е» на пацвярджэнне звання «народны калектыў». Аб гэтым паведамілі ў прэс-службе ВНУ.
У складзе калектыву іграюць восем цымбалістаў: студэнты і выпускнікі факультэта эстэтычнай адукацыі, канцэртмайстар Вікторыя Слайкоўская. Ансамбль прадставіў праграму, якая складаецца з твораў айчынных і замежных кампазітараў. Выступленне музыкантаў атрымала высокую ацэнку членаў журы конкурсу.
Ансамбль цымбалістаў «Вярба» быў створаны ў 1973 годзе. Ганаровае званне «народны» атрымаў у 1996 годзе за творчае развіццё нацыянальных культурных традыцый і актыўную канцэртную дзейнасць. Пад мастацкім кіраўніцтвам старшага выкладчыка кафедры музычна-педагагічнай адукацыі Вольгі Андрыенка ансамбль працуе з 2011 года. У рэпертуары калектыву — апрацоўкі народных песень і танцаў, класічныя і сучасныя музычныя сачыненні беларускіх і замежных кампазітараў.
Конкурсныя выступленні народных і ўзорных калектываў аркестрава-інструментальнага жанру ў час фестывалю народнай творчасці «Сузор’е» праходзяць раз у тры гады. Сваё майстэрства дэманструюць інструментальныя ансамблі і аркестры розных творчых напрамкаў (камерныя, народныя, духавыя, эстрадныя).
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
