Прэзідэнт абмеркаваў работу прадпрыемстваў Кіраўніцтва справамі Прэзідэнта і супрацоўніцтва з краінамі Афрыкі.
«Мяне цікавіць, як працуе Кіраўніцтва справамі з прадпрыемствамі сваімі, — абазначыў адну з тэм размовы Аляксандр Лукашэнка. — Якая там сітуацыя і што найбольш насцярожвае?»
У распараджэнні Кіраўніцтва справамі Прэзідэнта знаходзяцца 118 прадпрыемстваў дзяржаўнай, сумеснай формы ўласнасці, а таксама прадпрыемстваў, якія адпавядаюць форме дзяржаўна-прыватнага партнёрства, удакладніў Віктар Шэйман. Калі дадаць прадпрыемствы, якія знаходзяцца ў працэсе стварэння, прычым блізкія да яго завяршэння, будзе 126. Гэта цэлае міністэрства, заўважыў Прэзідэнт.
Другая тэма размовы Аляксандра Лукашэнкі з кіраўніком справамі Прэзідэнта — выхад на афрыканскі рынак. Гэта таксама сфера адказнасці Віктара Шэймана ў апошнія гады.
«Бачу, што пайшлі зрухі па продажы тэхнікі, няхай не маштабныя, але тое, пра што мы дамаўляліся і што планавалі, ужо нейкі працэс пачаўся, — сказаў Лукашэнка. — Як ідуць справы? Што ўплывае негатыўна на развіццё адносін з афрыканскімі дзяржавамі?»
Прэзідэнт падкрэсліў, што з афрыканскімі краінамі трэба і надалей супрацоўнічаць. «Гэта дзяржавы, як мы кажам, далёкай дугі. Дзяржавы багатыя прыроднымі рэсурсамі. Можа мы нешта зможам для сябе здабываць, можа ў абмен на свае тавары неяк будзем працаваць. Ну і прадаваць праз афрыканскія банкі», — дадаў ён.
Вольга МЯДЗВЕДЗЕВА
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!