Вы тут

На жыватворнай Акменіцы


Браслаўшчына славіцца не толькі маляўнічымі азёрамі, крутагорамі, паўвыспамі і захаванымі помнікамі дойлідства, але і чыстымі крыніцамі. Адна з такіх — крыніца Акменіца, якая знаходзіцца за пятнаццаць кіламетраў на поўнач ад раёнага цэнтра. Яна ўпадае ў аднайменную раку, папаўняючы возера Струста.


Сёння Акменіца мае статус помніка прыроды. Апякуецца крыніцай Нацыянальны парк «Браслаўскія азёры».

Каля знакамітай крыніцы прайшла фотасесія, у якой паўдзельнічалі супрацоўнікі Браслаўскага музея традыцыйнай культуры Наталля Парахневіч (на фота злева) і Ларыса Дарафейчык. Наталля і Ларыса прадэманстравалі рэканструяваныя строі сярэдзіны XІX — пачатку ХХ стагоддзя, якія насілі замужнія жанчыны. Ансамбль строю ў тыя часы складаўся з вышытай кашулі, спадніцы, камізэлькі, фартуха, пояса. Сучасныя майстрыхі стараліся не адыходзіць ад традыцыі, улічвалі і адметнасць строю — наяўнасць наміткі.

— З 1995 года ў нашым музеі пачалі вывучаць святочны жаночы касцюм, каб ведаць, у чым яго адрозненне ад строяў іншых этнарэгіёнаў. За аснову бралі ўспаміны жанчын, а таксама дакументальныя крыніцы, — кажа кіраўнік музея Элеанора Зінкевіч, якая сама прымала ўдзел у станаўленні строю. — Пошукі далі плён і, калі канцэпцыю строю ўзгаднілі з Віцебскім абласным метадычным цэнтрам, пачалася рэканструкцыя. Над ёй працавалі майстрыхі Марыя Дворская і Людміла Рулевіч, Эвеліна Друсь, Аліна Чапулёнак, Наталля Парахневіч. У той час наш музейны фонд папоўніўся дзесяццю шыкоўнымі строямі.

На гэтым здымку ансамбль строяў дапаўняюць і ганчарныя вырабы — гарлачыкі альбо крынкі, якія ў свой час былі неад'емнай часткай побыту селяніна. У Браславе працавалі ганчары, і адным з іх была Ніна Кузьмінова — бабуля нашай мадэлі Ларысы Дарафейчык. Сама Ларыса пераняла ганчарную справу сваёй бабулі і шмат гадоў вырабляе традыцыйны браслаўскі посуд.

Анатоль КЛЯШЧУК

Фота аўтара

Выбар рэдакцыі

Палітыка

Аляксандр Лукашэнка: У нас адна дзяржава, адзін закон і агульная гістарычная памяць на ўсіх

Аляксандр Лукашэнка: У нас адна дзяржава, адзін закон і агульная гістарычная памяць на ўсіх

Спецыяльна дзеля свята кіраўнік дзяржавы раней вярнуўся з Душанбэ, дзе прымаў удзел у саміце АДКБ — ШАС. 

Культура

Музейшчыкі паказалі, як на галоўную вежу Старога замка ў Гродне нанеслі зграфіта

Музейшчыкі паказалі, як на галоўную вежу Старога замка ў Гродне нанеслі зграфіта

Гісторыка-археалагічны музей у Гродне апублікаваў на сваім YouTube-канале відэа, як стваралі зграфіт

Грамадства

Як пазбегнуць вучэбных перагрузак?

Як пазбегнуць вучэбных перагрузак?

Кожнаму з бацькоў хочацца, каб яго дзіця было рознабакова развітым, паспяховым у будучым. 

Грамадства

Адрасы адзінства: Як адзначылі свята ў розных кутках краіны

Адрасы адзінства: Як адзначылі свята ў розных кутках краіны

У кожным з гарадоў адкрываліся памятныя знакі, праходзілі экскурсіі і мітынгі.