Вы тут

Смачнае свята ў Нарве


Актывісты беларускай суполкі “Сябры” з эстонскага горада зладзілі бульбяныя вячоркі


Для многіх у свеце, як вядома, Беларусь асацыюецца з вялікімі ўраджаямі смачнай бульбы. Дарэчы, у Самахвалавічах, пад Мінскам, дзейнічае Рэспубліканскі навукова-практычны цэнтр НАН Беларусі па бульбаводстве й садавіна-гароднінаводстве. І што беларусы любяць стравы з бульбы — таксама не сакрэт.

Аддаючы належную пашану бульбе, 25 кастрычніка Нарвская беларуская суполка “Сябры” правяла ў Доме народаў Нарвы незвычайную імпрэзу. Мы назвалі яе “Бульбяныя вячоркі” — ушанавалі нашу беларускую бульбу. На жаль, у сувязі з рэкамендацыямі Дэпартамента здароўя нам прыйшлося абмежаваць колькасць гледачоў у зале. І ўваход зрабілі па запрашальных білетах. Гасцям выдаваліся маскі, была таксама магчымасць бескантактавым спосабам вымераць тэмпературу.

А перад вячоркамі суполка “Сябры” абвясціла конкурс малюнкаў і вырабаў, прысвечаных бульбе, сярод навучэнцаў Нарвскай мастацкай школы. Пераможцы і ўдзельнікі конкурсу былі ўшанаваны падзячнымі лістамі, падарункамі.

З вітальным словам да ўсіх звярнуўся Першы сакратар Амбасады Беларусі ў Эстоніі Аляксандр Татаркін. Песні пра бульбу спявалі гаспадары імпрэзы, прадстаўнікі іншых нацыянальна-культурных таварыстваў Нарвы. А задаў тон усім дзіцячы фальклорны ансамбль “Гусельки” пад кіраўніцтвам Надзеі Маскалёвай.

І яшчэ адзін цікавы паварот у бульбяной тэме чакаў гасцей імпрэзы: песні нарвскіх “Сяброў”суправаджаліся дэгустацыяй страў з бульбы.

Віктар Байкачоў, г. Нарва

Выбар рэдакцыі

Здароўе

Чаму беларусы не спяшаюцца прышчапляцца?

Чаму беларусы не спяшаюцца прышчапляцца?

Праз які час праводзіць рэвакцынацыю ад COVІD-19 і ці патрэбна яна ўвогуле?

Грамадства

Як абараніцца ад махляроў у сферы сучасных тэхналогій

Як абараніцца ад махляроў у сферы сучасных тэхналогій

Фішынг, вішынг — два кіты кіберзлачыннасці

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.