Вы тут

«Спажыўцы павінны бачыць, што за прадукт яны набываюць»


Такое меркаванне выказаў старшыня Пастаяннай камісіі па рэгіянальнай палітыцы і мясцовым самакіраванні Савета Рэспублікі Міхаіл Русы падчас удзелу ў пашыраным пасяджэнні Пастаяннай камісіі па аграрнай палітыцы Палаты прадстаўнікоў, на разгляд якой вынесены законапраект «Аб змяненні Закона Рэспублікі Беларусь «Аб ідэнтыфікацыі, рэгістрацыі, прасочваемасці сельскагаспадарчых жывёл (статкаў), ідэнтыфікацыі і прасочваемасці прадуктаў жывёльнага паходжання».


Законапраект рыхтуецца на разгляд восеньскай сесіі парламента ў другім чытанні, паведамляе БелТА.

— Гэта не толькі запатрабаваны і чаканы законапраект, ён вельмі неабходны, каб весці гандаль не толькі ўнутры краіны, але і за яе межамі. Спажыўцы павінны бачыць, што за прадукт яны атрымліваюць: дзе ён выраблены, на якім прадпрыемстве. Калі з буйной рагатай жывёлай, свінагадоўляй, малочным статкам усе гэтыя пытанні адпрацаваны, то цяпер — новы крок, каб да гэтага працэсу маглі далучыцца асабістыя падсобныя і фермерскія гаспадаркі, якія займаюцца развядзеннем птушкі, пчол, каб пакупнік не сумняваўся, што гэта экалагічна чыстая прадукцыя, — перакананы Міхаіл Русы.

Вопыт ідэнтыфікацыі жывёл, які сёння існуе ў краіне, дазволіць ажыццявіць ідэнтыфікацыю і рэгістрацыю новых відаў жывёл для ўсіх суб'ектаў адносін. Пры гэтым дзеянне закона будзе распаўсюджвацца толькі на жывёл і прадукты жывёльнага паходжання, з якіх атрымліваюць прыбытак. Прадукты жывёльнага паходжання, вытворчасць якіх ажыццяўляецца фізічнымі асобамі для ўласных патрэб, пад дзеянне закона не падпадаюць.

Па словах сенатара, законапраект павысіць бяспеку пры перамяшчэнні жывёл і прадуктаў жывёльнага паходжання як па тэрыторыі нашай краіны, так і за яе межамі.

— Гэта абарона спажыўца, бяспека насельніцтва і эканамічная бяспека краіны, гэта значыць канкурэнтаздольнасць. Мы сёння можам працаваць на любых сусветных рынках. Нашы прадпрыемствы пастаўляюць прадукты харчавання ў 114 краін. Увесь час адкрываюцца новыя рынкі. Зараз мы вельмі добра працуем з Кітаем, В'етнамам, трэба смялей ісці на рынак Еўрасаюза, — падкрэсліў сенатар.

Загаловак у газеце: Абарона інтарэсаў

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Палітыка

Аляксандр Лукашэнка: Беларусы былі і будуць адным народам

Аляксандр Лукашэнка: Беларусы былі і будуць адным народам

Прэзідэнцкі прыём праходзіць у Нацыянальным выставачным цэнтры «БелЭкспа».