Вы тут

Учора на Магілёўшчыне адкрыліся дзве новыя міні-футбольныя пляцоўкі


У Магілёўскай вобласці працягваецца адкрыццё розных аб'ектаў, прымеркаваных да святкавання Дня Кастрычніцкай рэвалюцыі. Учора першых гульцоў прынялі дзве новыя міні-футбольныя пляцоўкі — у клімавіцкай сярэдняй школе № 3 па вуліцы Камуністычнай і ў Крычаве — на базе раённай спецыялізаванай дзіцяча-юнацкай школы алімпійскага рэзерву.


Гэтыя два тыпавыя спартыўныя аб'екты памерамі 20 на 40 метраў з штучным пакрыццём, агароджай і ўбудаванымі варотамі з'явіліся дзякуючы падтрымцы Беларускай федэрацыі футбола і Тураўскага малочнага камбіната.

А старт святочным адкрыццям даў увод у дзеянне пасля капрамонту плавальнага басейна ў школе аграгарадка Аўсянка, што ў Горацкім раёне. Ім цяпер могуць карыстацца дзеці і дарослыя не толькі гэтага раёна, але яшчэ і Шклоўскага. Тут жа плануецца праводзіць спартыўна-масавыя і аздараўленчыя мерапрыемствы. Падчас рамонту будаўнікі памянялі пакрыццё гідратэхнічнага збудавання, узмацнілі падмурак будынка, абнавілі водаправодныя і каналізацыйныя інжынерныя сеткі. Да паслуг наведвальнікаў падлогі з падагрэвам, сучасныя душавыя кабіны і зручныя раздзявальні. Басейн знаходзіўся на рамонце каля двух гадоў, і для жыхароў аграгарадка і іх дзяцей адкрыццё стала доўгачаканай падзеяй.

— Гэта вельмі вялікі падарунак ад Прэзідэнта звычайнаму аграгарадку, — адзначыў падчас адкрыцця аб'екта старшыня Магілёўскага аблвыканкама Леанід Заяц. — Будаўнікі папрацавалі на якасць. У аб'ект укладзена шмат сродкаў, але гэта той выпадак, калі выдаткі апраўданыя. Жыхары атрымалі добрую магчымасць заняцца спортам і фізкультурай.

Нэлі ЗІГУЛЯ

Загаловак у газеце: Будзе дзе адпачыць і паспаборнічаць

Выбар рэдакцыі

Культура

Народная артыстка Беларусі Ніна Шарубіна: Не скупіцеся на добрыя словы!

Народная артыстка Беларусі Ніна Шарубіна: Не скупіцеся на добрыя словы!

Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?

Грамадства

Інтэрвальнае галаданне: чаканні і рэальнасць

Інтэрвальнае галаданне: чаканні і рэальнасць

Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава

Грамадства

Дапамога — ёсць! Чым займаецца гэтай зімой Беларускі Чырвоны Крыж?

Дапамога — ёсць! Чым займаецца гэтай зімой Беларускі Чырвоны Крыж?

Людзі, у якіх няма даху над галавой, у першую чаргу маюць патрэбу ў падтрымцы ў экстрэмальных умовах надвор'я.

Спорт

Дзмітрый Ходас: Воля, характар і любоў

Дзмітрый Ходас: Воля, характар і любоў

Як не быць алімпійскім чэмпіёнам, але быць героем спорту.