Вы тут

На наступным тыдні ўначы будуць замаразкі


А пакуль у нас надвор'е, якое звычайна бывае ў апошні тыдзень верасня. Вось і цяпер атлантычныя цыклоны бесперапынным ланцужком ссоўваюцца ва ўсходнім напрамку, перакрываючы доступ арктычнаму паветру ў паўднёвыя шыроты Еўропы. І атрымліваецца, што тэмпературны рэжым адстае ад календара амаль на месяц. Але з панядзелка да нас ідзе скандынаўскі холад, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Фота Дзмітрыя Суганяева.

7 лістапада захаваецца ўплыў вобласці павышанага атмасфернага ціску, якая сфарміруецца ў цёплай паветранай масе. Будзе воблачна з праясненнямі і пераважна без ападкаў. Уначы і раніцай месцамі туманы, вецер прагназуецца заходні ўмераны, па паўночным усходзе парывісты. Тэмпература паветра ўначы складзе ад плюс 4 да 9 градусаў цяпла, удзень — ад плюс 8 да 13 градусаў вышэй за нуль.

У нядзелю наша краіна па-ранейшаму будзе знаходзіцца пад уплывам цёплай паветранай масы і павышанага атмасфернага ціску. У многіх раёнах абыдзецца без ападкаў, толькі раніцай і ўдзень па паўночным усходзе краіны магчымыя невялікія кароткачасовыя дажджы. У асобных раёнах краіны будуць згушчацца туманы. Вецер прагназуецца заходні ўмераны, па паўночным усходзе парывісты. Тэмпература паветра ўначы складзе 3—9 цяпла, удзень будзе ад плюс 7 да 12 градусаў.

Паводле папярэдніх прагнозаў айчынных сіноптыкаў, на наступным тыдні сітуацыя з надвор'ем пачне змяняцца. На месца цёплых цыклонаў да нас прыйдзе халодны скандынаўскі антыцыклон. Тэмпература з кожным днём будзе паніжацца і паступова наблізіцца да звыклых паказчыкаў лістапада. У панядзелак будзе пераважна без ападкаў, толькі ў асобных раёнах па паўночным усходзе Беларусі пройдуць невялікія дажджы. Месцамі чакаецца туман. Пахаладанне мы адчуем бліжэй да ночы. Тэмпература паветра ўначы складзе ад нуля да плюс 7 градусаў, ды і ўдзень будзе золка — ад плюс 4 да 11 градусаў цяпла.

У аўторак антыцыклон возьме надвор'е ў свае халодныя рукі. Будзе пераважна без ападкаў, толькі ў асобных раёнах па паўночным усходзе краіны магчымы невялікія ападкі, у асноўным дождж, магчымы і мокры снег. Уначы і раніцай месцамі чакаецца туман. Тэмпература паветра ўначы складзе ад мінус 2 да плюс 4 градусаў, па паўднёвым захадзе — да плюс 6. Удзень будзе 3—8 цяпла. Нічога асаблівага, лістапад на двары.

Сяргей КУРКАЧ

Загаловак у газеце: Пасля свят возьме і пахаладае

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.