Вы тут

«Непрыхаванае ўмяшанне ва ўнутраныя справы нашай краіны»


Менавіта так ацэньваецца прыняцце бундэстагам ФРГ рэзалюцыі па Беларусі ў заяве старшыні Савета Рэспублікі Наталлі Качанавай і старшыні Палаты прадстаўнікоў Уладзіміра Андрэйчанкі.


«Прыняцце бундэстагам Федэратыўнай Рэспублікі Германія рэзалюцыі па Беларусі разглядаем як непрыхаванае ўмяшанне ва ўнутраныя справы нашай краіны. Вынікі прэзідэнцкіх выбараў у Беларусі не патрабуюць адабрэння замежнага парламента, роўна як законныя дзеянні беларускіх улад па забеспячэнні грамадскага парадку і бяспекі ў краіне. Сваёй рэзалюцыяй бундэстаг перакрэслівае дасягнуты прагрэс у беларуска-германскіх адносінах і дзейнічае пад уплывам кан'юнктурных інтарэсаў асобных палітыкаў, якія спрабуюць зарабіць палітычны капітал на вобразе «змагароў за дэмакратыю ў Беларусі», не звяртаючы ўвагі пры гэтым на жорсткія рэпрэсіўныя дзеянні праваахоўных органаў ва ўласнай краіне», — сказана ў дакуменце.

«Поўнае здзіўленне выклікае падтрымка нямецкімі парламентарыямі экстрэмісцкіх тэлеграм-каналаў, што адкрыта заклікаюць да тэрарыстычнай дзейнасці ў Беларусі, якая, як вядома, больш за іншыя краіны пацярпела ад тэрору на яе тэрыторыі падчас Другой сусветнай вайны. У дачыненні да Беларусі дэпутатам бундэстага варта захоўваць гістарычную памяць і праяўляць стрыманасць у спробах выступіць у ролі настаўніка. Разлічваем, што ў нашых нямецкіх партнёраў возьмуць верх палітычная мудрасць і здаровы розум, каб аб'ектыўна ацаніць сітуацыю ў Беларусі і працягнуць выбудоўваць узаемадзеянне на аснове ўзаемнай павагі, канструктыўнага дыялогу і ўліку інтарэсаў бакоў», — гаворыцца ў заяве старшыняў палат беларускага парламента.

Прэв’ю: ilyafinance.ru

Выбар рэдакцыі

Палітыка

Лукашэнка: Мы павінны прыняць дадатковыя меры па абароне інтарэсаў шматдзетных сем’яў

Лукашэнка: Мы павінны прыняць дадатковыя меры па абароне інтарэсаў шматдзетных сем’яў

Пра гэта Прэзідэнт заявіў падчас нарады з кіраўніцтвам Савета міністраў.

Грамадства

Страшнае слова «генацыд»

Страшнае слова «генацыд»

Для тых, хто прысвойвае сабе права быць «выключнымі», гэта рана ці позна становіцца катастрофай у маштабах народа.

Грамадства

Не ўпэўнены — не бяры. Як збіраць, гатаваць і захоўваць дары лесу

Не ўпэўнены — не бяры. Як збіраць, гатаваць і захоўваць дары лесу

Восень — пара «ціхага палявання», калі многія з нас адпраўляюцца ў лес па грыбы.