Вы тут

Жыхары Даўгiнава агучылi праблемы, iх пачулi


Старшыня Вiлейскага раённага Савета дэпутатаў Алена Чабатар сустрэлася з актывам Даўгiнаўскага сельсавета, дзе прайшло сумеснае абмеркаванне пытанняў далейшага сацыяльна-эканамiчнага развiцця рэгiёна, добраўпарадкавання i ўладкавання населеных пунктаў. Менавiта ў аграгарадку Даўгiнава ў наступным годзе адбудзецца раённае свята работнiкаў сяла «Дажынкi».


— Сёлета «Дажынкi» праходзiлi ў аграгарадку Лыцавiчы Iжскага сельсавета, падчас якiх старшыня сельгаспрадпрыемства «Чурлёны», што размешчана на тэрыторыi гэтага сельсавета, перадаў эстафету правядзення фестывалю дырэктару ААТ «Даўгiнава», — гаворыць Алена Аляксандраўна.

Акрамя таго, старшыня сельвыканкама пацiкавiлася ў жыхароў, што б яны хацелi добраўпарадкаваць у першую чаргу i якая дапамога iм патрэбна. Высветлiлася, што неабходны ямачны рамонт вулiцы Пралетарскай i асфальтаванне пляцоўкi, дзе некалi стаяў магазiн, для арганiзацыi выязнога гандлю. Алена Аляксандраўна паабяцала, што просьба будзе адрасавана дарожным службам. Падымалi грамадзяне i пытанне ачысткi пажарных вадаёмаў. Алена Чабатар запэўнiла, што сельвыканкам сумесна з раённым аддзелам па надзвычайных сiтуацыях вырашыць гэтую праблему.

Жыхары таксама прасiлi, каб у аграгарадку ўстанавiлi дадатковыя кантэйнеры для цвёрдых бытавых адходаў. Алена Аляксандраўна паведамiла iм, што Вiлейская ЖКГ закупляе партыю кантэйнераў i частку iх уладкуе ў Даўгiнаве.

У канцы сустрэчы адбылася своеасаблiвая дыялогавая пляцоўка, дзе кожны ўдзельнiк змог выказаць свае прапановы па ўнясеннi змяненняў у Асноўны закон краiны. У сваю чаргу Алена Чабатар агучыла перад прысутнымi прапановы жыхароў Вiлейкi, якiя ўжо накiраваны ў Палату прадстаўнiкоў для далейшага разгляду.

Таццяна ЛАЗОЎСКАЯ

Прэв’ю: lowis.ru

Выбар рэдакцыі

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік