Вы тут

Міхась СЛІВА. ГРАЙ, ВЕРАЧКА, ГРАЙ!


Пачытайце дзецям

Міхась СЛІВА

Гісторыйка

Калі Верачка пайшла ў першы клас, бацькі прапанавалі ёй займацца яшчэ і ў музычнай школе. Пасля праслухоўвання педагогі параілі вучыцца па класе баяна.

— Яна ж яшчэ зусім малая, — нясмела запярэчыў бацька. — Ці адужае такі інструмент?

— А мне падабаецца! — сказала як адрэзала Верачка.

Цяпер дзяўчынка прыходзіць са школы, адпачывае, потым робіць урокі і бярэцца за баян.

Хоць і цяжкавата расцягваць мяхі інструмента, настойліва асвойвае музычную грамату.

Гэта не заўсёды падабаецца яе старэйшаму брату Алежку. Ён часта па-добраму сваволіць, хавае баян. А сёння чамусьці стаў прасіць:

— Пайграй, Верачка, хачу паслухаць!

Дзяўчынка з задавальненнем узялася за інструмент. Алежка спачатку сядзеў на канапе, а потым шмыгнуў у спальню, затым — на кухню.

Малая перастала граць.

— Грай, Верачка, грай! — зазірнуў у пакой і падбадзёрыў яе брат. — Я слухаю!

Неўзабаве ён вярнуўся і, хітра ўсміхаючыся, сказаў:

— Ты ўжо, відаць, стамілася? Пайграеш ін- шым разам. А я пайду на вуліцу пагуляю…

Праз некаторы час Верачка накіравалася на кухню, каб перакусіць. Сёння ж маці напякла для яе з братам цэлы стос любімых смачных аладак. Зайшла і аслупянела: талерка была пустая! Дык вось чаму Алежка так прасіў пайграць на баяне...

г. Рагачоў.

Выбар рэдакцыі

Грамадства

«Лепшы цюнінг для машын — правільны пратэктар шын»

«Лепшы цюнінг для машын — правільны пратэктар шын»

Менавіта пад такім слоганам будзе праводзіцца Рэспубліканская прафілактычная акцыя, якая ініцыяваная на нашых дарогах Дзяржаўтаінспекцыяй краіны. 

Грамадства

Зімовы асартымент. Колькі каштуюць «вітаміны» на «Лебядзіным»

Зімовы асартымент. Колькі каштуюць «вітаміны» на «Лебядзіным»

З якімі прыкметамі вы звязваеце набліжэнне зімы? 

Грамадства

Якiя нашы звычкi шкодзяць здароўю i знiшчаюць iмунiтэт?

Якiя нашы звычкi шкодзяць здароўю i знiшчаюць iмунiтэт?

Мы ў жыццi шмат чаго робiм, што пагаршае наша здароўе — або адразу, або ў аддаленай перспектыве.