Чалавек ад зямлі


Механізатар адкрытага акцыянернага таварыства «Прынёманскі» — адной з самых вялікіх гаспадарак Навагрудскага раёна — Ігар Каранеўскі сёлета атрымаў ганаровае званне «Чалавек года» Гродзенскай вобласці. За дваццаць гадоў сумленнай працы ў гаспадарцы Ігар Аркадзевіч праявіў сябе як прафесіянал высокага класа. «Надзейны работнік і адданы нялёгкай справе», — так адзываюцца пра калегу іншыя механізатары і кіраўніцтва гаспадаркі.


Вясною Ігар сядае за руль лёгкага агрэгата «Раса» і арашае мінеральнымі ўгнаеннямі азімыя, сенажаці і пашы, летам і восенню на магутным кормаўборачным «Ягуары-850» нарыхтоўвае зялёную масу і сянаж, зімою працуе на звычайным колавым трактары. Аўтатрактарная тэхніка ў яго руках заўсёды дагледжаная, спраўная, чыстая, можна сказаць, прыгожая. Сам Ігар як сапраўдны гаспадар заўсёды выглядае акуратна, прывабна і сучасна. Яго партрэт упрыгожвае добрая ўсмешка. Не хаваю, мне было прыемна не толькі пазнаёміцца з гэтым аграрыем, але і фатаграфаваць яго.

У зводках поспехаў гаспадарак раёна «Прынёманскі» часта аказваецца ў лідарах. Магчыма, гэта і казённа, але поспех гаспадаркі робяць такія заўзятыя і працавітыя майстры сваёй справы, як і наш герой, — людзі ад зямлі.

Анатоль Кляшчук, фота аўтара

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Казярогам важна на гэтым тыдні скончыць неадкладную справу, якая ўжо даўно не дае спакою.

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.