Вы тут

Вусцішнымі чорнымі часамі...


***
Вусцішнымі чорнымі часамі
На бясплоднай ад крыві зямлі
Сцятымі ад болю галасамі
Беларусы ворагаў клялі.

Сёння ж — да апрычнікаў апрыкрых
На гарачым пераломе дзён
Рвецца з горла нестрыманы, хрыплы,
Самы страшны, жудасны праклён:

Тым, хто гвалціць гонар чалавечы,
Тым, хто топча годнасць нашу ў бруд,
Без віны збівае і калечыць
Ды страляць гатовы ў мірны люд;

Хто нахабна нам у твары хлусіць,
Хто ў Феміды з воч павязку рве,
Хто не дазваляе Беларусі
Нават крыкнуць, што яна — жыве...

Немач хай не возьме вашы рукі,
Не збяднеюць цалкам кашалькі.
Хай у твар вам плюнуць вашы ўнукі
І суседзі не дадуць рукі.

Хай у вамі спляжанай краіне
Больш павек не знойдзеце спакой.
Хай вам свеціць месяц на чужыне
У халоднай бессані начной.
                                                          Зміцер КУЗМЕНКА

Выбар рэдакцыі

Грамадства

Фарбы вайны. Пяць карцін мастакоў-відавочцаў

Фарбы вайны. Пяць карцін мастакоў-відавочцаў

Вайна — адна з тых тэм, якія нікога не пакідаюць абыякавымі. 

Грамадства

7 вершаў, напісаных на франтах Вялікай Айчыннай

7 вершаў, напісаных на франтах Вялікай Айчыннай

«І на кожным кургане, быццам яблыню, песню сваю пасаджу»