Вы тут

Іу ў лічбавым фармаце


У найбуйнейшага ў свеце рынку малых тавараў з’явілася анлайн-платформа.


Гарадок малых тавараў Іу ( Yiwu China commodities City) афіцыйна запусціў анлайн-платформу, што стала ключавым крокам на шляху прасоўвання лічбавізацыі гэтага ўнікальнага гандлёвага праекта, перадае «Жэньмінь жыбаа» анлайн».

Анлайн-платформа www.chinagoods.com, якая была створана на аснове 75 тысяч фізічных крам на рынку Іу, абслугоўвае 2 мільёна мікра-, малых і сярэдніх прадпрыемстваў, якія дзейнічаюць у першасным сегменце індустрыяльнага ланцужку.

За перыяд з пачатку працы ў тэставым рэжыме ў красавіку яна прыцягнула больш за 50 тыс. рынкавых суб’ектаў і звыш 500 тыс. зарэгістраваных пакупнікоў. «Новая анлайн-пляцоўка дазволіла пераўтварыць гандлёвую дзейнасць рынку Іу ў лічбавую форуму», — адзначыў старшыня праўлення кампаніі Zhejiang China Commodities City Group Чжаа Вэньгэ. Паводле яго слоў, у платформу інтэграваныя розныя функцыі, такія як дэманстрацыя тавараў і здзяйсненне здзелак куплі-продажу, інтэлектуальнае складаванне і лагістыка, спрошчанае мытнае афармленне і паслугі глабальных ланцужкоў паставак.

Іу — горад ва ўсходнекітайскай правінцыі Чжэцзян, які называюць «сусветным супермаркетам». У ім дзейнічае звыш 2 млн. мікра-, малых і сярэдніх прадпрыемстваў, якія штогод пастаўляюць тавары ў 200 краін і рэгіёнаў свету. Нягледзячы на глабальную пандэмію каранавіруснай інфекцыі, дзякуючы паскарэнню лічбавай трансфармацыі Іу знайшоў новыя магчымасці для развіцця.

За дзевяць месяцаў 2020 года экспарт Іу вырас на 5,1 працэнта ў гадавым выражэнні. Акрамя таго, у горадзе было дастаўлена 4,73 млрд. пасылак. Па дадзеным паказчыку Іу заняў другое месца ў Кітаі, саступіўшы толькі Гуанчжоў.

Прэв’ю: canadetz.com

Выбар рэдакцыі

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.