Краіны Садружнасці зацікаўлены ў арганізацыі сумесных мерапрыемстваў у сферы культуры. Аб гэтым сёння ў час XXXV пасяджэння Савета па культурным супрацоўніцтве дзяржаў — удзельніц СНД заявіў старшыня савета, міністр культуры Беларусі Юрый Бондар, перадае БЕЛТА.
«На працягу многіх гадоў савет з’яўляецца не толькі каардынатарам у галіне культуры ў краінах Садружнасці, але і дае ўнікальную магчымасць дэманстраваць культурную разнастайнасць дзяржаў СНД. Вопыт яго работы сведчыць аб павышэнні зацікаўленасці дзяржаў СНД у арганізацыі і правядзенні сумесных мерапрыемстваў у сферы культуры, якія адпавядаюць мэтам Канцэпцыі супрацоўніцтва краін Садружнасці ў гэтай галіне», — адзначыў Юрый Бондар.
Паводле яго слоў, захаванне і развіццё форм культурнага самавыяўлення і дыялогу ўсё больш становіцца асновамі дыпламатыі дзяржаў, садзейнічаючы пераадоленню рознагалоссяў і збліжэнню ўзаемных інтарэсаў. «Несумненна, асаблівая роля ў выпрацоўцы гэтых механізмаў павінна належаць нашаму савету. Фундаментам такой стратэгіі з’яўляецца прызнанне каштоўнасцей міжкультурнага дыялогу, які ў выніку становіцца дыялогам паміж людзьмі, ахопліваючы ўсе групы насельніцтва і садзейнічаючы папулярызацыі агульных каштоўнасцей і ідэалаў, умацаванню інтэграцыйных асноў садружнасці дзяржаў», — дадаў міністр.
Прэв’ю: БЕЛТА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
