Вы тут

Фестываль мастацтва «Арт-Мiнск» стартаваў днямi ў сталiцы


Мiжнародны фестываль мастацтва «Арт-Мiнск» стартаваў днямi ў сталiцы. Сёлета ўдзел у iм прымаюць творцы як з Беларусi, так i з Эстонii i Славакii. Убачыць маштабную экспазiцыю фэсту з работамi каля 400 беларускiх мастакоў можна на розных пляцоўках горада. Увазе наведвальнiкаў таксама прадстаўлены работы I трыенале жывапiсу, графiкi i скульптуры Беларускага саюза мастакоў «VIVAT VITA», а таксама выставачны праект «Графiка года».


Фота БЕЛТА.

— Сёння мы больш гаворым пра хваробы, пра тое, што адбываецца з людзьмi, але абмiнаем увагай iншыя, не менш важныя, рэчы. Наш арт-фестываль — гэта вялiкая падзея ў краiне, хоць у гэтым годзе яна i своеасаблiвая. У адным фэсце аб'ядналiся тры вялiкiя праекты, якiя наведвальнiкi змогуць убачыць на працягу месяца да 16 снежня, — адзначыла першы намеснiк старшынi Беларускага саюза мастакоў Наталля Шаранговiч. — Вядома, мы не змаглi б змясцiць усе работы нашых мастакоў, якiх сёлета каля 400, таму пляцоўкi фестывалю з'явяцца не толькi ў Палацы мастацтваў, але i ў Нацыянальнай бiблiятэцы, i ў галерэi «Мастацтва», у галерэi «Беларт» i iншых месцах. Напрыклад, у «Беларце» пакажам пейзаж у работах мастакоў розных пакаленняў, а ў галерэi «Мастацтва» ладзiм выстаўку, прысвечаную творчасцi Сяргея Цiмохава, якому сёлета споўнiлася б 60 гадоў... Таксама нам вельмi хочацца, каб не засталiся ўбаку мастацтвазнаўцы, бо важна не толькi паказаць мастацтва, але i гаварыць пра яго. Мяркую, пачынаючы з гэтага фестывалю заснуём традыцыю абмяркоўваць нашы мерапрыемствы i праекты. I спадзяюся, што дыскусiя атрымаецца вострая, бо ёсць пра што спрачацца.

Так, у мастацкай галерэi твораў Леанiда Шчамялёва мiнчане могуць пазнаёмiцца з творчасцю Iвана Мiско, Васiля Шаранговiча, Льва Гумiлеўскага, Уладзiмiра Тоўсцiка i самога Леанiда Шчамялёва. Выстаўка станковай скульптуры i малюнкаў Анатоля Арцiмовiча «ХХI стагоддзе» чакае сваiх наведвальнiкаў у выставачнай зале iмя Андрэя Бембеля. Экспазiцыя графiкi Сяргея Цiмохава «Край святла» адкрылася ў галерэi «Мастацтва». Праект «Сiбiрская гарачка» ад мастакоў са Славакii чакае ў галерэi «Арт-Беларусь». У Нацыянальнай бiблiятэцы Беларусi наведвальнiкi змогуць пазнаёмiцца з творчасцю эстонскiх мастакоў. А з 24 лiстапада тут можна наведаць лiтаратурна-мастацкi праект «Княства вобразаў i сноў», прысвечаны 90-годдзю Уладзiмiра Караткевiча. Гэты сумесны праект Нацыянальнай бiблiятэкi i Саюза мастакоў Беларусi дае магчымасць як згадаць творчасць класiка, так i пазнаёмiцца з работамi графiкаў, што малявалi, натхняючыся творамi пiсьменнiка.

«Тыя работы, якiя з'яўлялiся ў кнiгах, павiнны ўспрымацца не проста як iлюстрацыя, яны iснуюць яшчэ i як самадастатковыя творы. Мы зрабiлi своеасаблiвы зрэз таго, як глядзелi на творы Караткевiча мастакi розных пакаленняў i светапогляду. На гэтай выстаўцы будуць унiкальныя рэчы, напрыклад, малюнкi Арлена Кашкурэвiча, якiя ён зрабiў яшчэ пры жыццi пiсьменнiка. Будуць работы Вiктара Мiкiты па матывах твораў класiка», — распавядае Наталля Шаранговiч.

Арганiзатары адзначаюць, што iмкнулiся кожны праект падрыхтаваць так, каб гэта было цiкава аўдыторыi. З самага пачатку задумвалiся i над арганiзацыяй навучальных мерапрыемстваў. Зразумела, зараз складана сабраць людзей, але ўсё ж такi ў межах I трыенале распачнецца праект мастацтвазнаўца Таццяны Бембель. Яна прапанавала цыкл лекцый, прысвечаных найлепшым скульптарам, знакавым постацям ХХ стагоддзя. Першая лекцыя, якая распавядзе пра Мiхаiла Керзiна, адбудзецца ў снежнi ў Выставачнай зале iмя Андрэя Бембеля. Гэта пачатак вялiкай праграмы, якая расцягнецца на паўгода. Калi характарызаваць работы сёлетняга фестывалю з пазiцыi тэм i сэнсаў, варта адзначыць, што стала менш пейзажаў, а павялiчылася колькасць тэматычных работ, дзе знаходзяць адлюстраванне ўзаемаадносiны памiж людзьмi, а таксама фiласофска-сацыяльная праблематыка.

— Хачу спынiцца крыху на праекце I трыенале, якi мы назвалi «VIVAT VITA», што ў перакладзе значыць «Вiтанне жыццё». На сёння — гэта найбольш актуальны пасыл у няпростых умовах. Час выбраў нас, мастакоў, i мы адказваем на ягоны выклiк. Творчасць i мастацтва зараз становяцца яшчэ больш актуальнымi i паказваюць, што жыццё ў любым выпадку пераможа любыя нязгоды, праблемы i перафармацiруе нас, дазволiўшы выйсцi на новы ўзровень, — кажа намеснiк старшынi па творчых i агульных пытаннях Беларускага саюза мастакоў Андрэй Басалыга. — Другi праект «Графiка года» праходзiць у нас ужо чацвёрты раз. Прыемна, што мастакi эксперыментуюць, i да графiкi, напрыклад, звярнулiся i жывапiсцы, скульптары.

Варта адзначыць, што ў канцы фестывалю журы, у склад якога ўваходзяць мастацтвазнаўцы, вызначыць пераможцаў сярод удзельнiкаў трыенале i праекта «Графiка года» ў такiх намiнацыях, як «Жывапiс», «Графiка», «Скульптура», i асобна ў намiнацыях «Графiка года» i Гран-пры. Убачыць творы i наведаць мерапрыемствы фестывалю можна кожны дзень да 16 снежня. Сачыце за раскладам у сацыяльных сетках фэсту.

Алена ДРАПКО

Загаловак у газеце: Жыццё насуперак i праз прызму вечнага

Выбар рэдакцыі

Калейдаскоп

«Ураджайны» тэст

«Ураджайны» тэст

Надыходзіць жнівень — самы ўраджайны, працоўны, смачны час. І наш чарговы тэст менавіта пра ўраджай і ўсё, што з ім звязана.

Грамадства

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

У жніўні цяпла будзе ўдосталь, але без дажджу і маланкі не абыдзецца.

Калейдаскоп

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. На гэтым тыдні будзе карыснае ўменне аналізаваць сітуацыю і паводзіны людзей і рабіць правільныя высновы. Паспрабуйце быць гранічна сумленнымі з самімі сабой, зніміце ружовыя акуляры. Цяпер пажадана не эпаціраваць навакольных экстравагантнасцю і рэзкімі развагамі. 

Грамадства

Адзін дзень у Вязынцы: вандруем разам са «Звяздой» па Беларусі

Адзін дзень у Вязынцы: вандруем разам са «Звяздой» па Беларусі

У летні час так хочацца на мора, ці, хоць бы ў падарожжа...