Найбольшую вядомасць брэсцкаму пiсьменнiку Аляксандру Валковiчу прынесла кнiга пад назвай «Пiсьмы вайны». Матэрыялы для кнiгi аўтар збiраў доўга. Сустракаўся з роднымi франтавiкоў, перапiсваў лiсты з вайны ад рукi, сканiраваў i фатаграфаваў, збiраў гiсторыi людзей на вайне ва ўсiх раёнах вобласцi, працаваў у архiвах i музеях. Кнiга выйшла да 65-й гадавiны Перамогi. А другое, дапоўненае выданне ўбачыла свет летась. Там аўтар апублiкаваў успамiны сваёй мацi, якая была адпраўлена на прымусовыя работы ў Германiю. Для яго, сына франтавiка, паводле ўласнага прызнання, гэтая кнiга мае асаблiвыя значэнне i сэнс.
Сёння ж асноўная творчая дзейнасць пiсьменнiка звязаная з альманахам «Астрамечаўскi рукапiс», якi выходзiць з 2013 года ў Брэсцкiм раёне. Краязнаўчы альманах даўно стаў своеасаблiвым культурным брэндам раёна ў многiм дзякуючы руплiвасцi i настойлiвасцi яго ўкладальнiка. Таму ў раённы Дом культуры павiншаваць пiсьменнiка з 70-годдзем прыйшло нямала гасцей.
Празаiка, публiцыста, даследчыка гiсторыi роднага краю ўганаравалi старшыня райсавета дэпутатаў Уладзiмiр Хвацiк, намеснiк старшынi райвыканкама Павел валынец, дырэктар ААТ «Астрамечава» Алег Бурак. Добрыя словы на яго адрас сказала старшыня Брэсцкага абласнога аддзялення Саюза пiсьменнiкаў Беларусi Таццяна Дземiдовiч. Яна адзначыла, што Аляксандр Мiхайлавiч, аўтар шэрагу кнiг i публiцыстычных артыкулаў, адзначаны Брэсцкай абласной лiтаратурнай прэмiяй iмя У. Калеснiка, многiмi рэспублiканскiмi i мiжнароднымi ўзнагародамi. Яго кнiгi, прысвечаныя роднаму краю i яго людзям, палюбiлiся чытачу. Удзельнiкi iмпрэзы пажадалi лiтаратару плённай працы i новых твораў.
Святлана ЯСКЕВIЧ
Намеснiк старшынi райвыканкама Павел Валынец вiншуе Аляксандра Валковiча
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.