Вы тут

Погляд на падзеі і тэндэнцыі


Аляксандр Лукашэнка даў інтэрв’ю палітычным аглядальнікам з Беларусі і замежжа


Аляксандр Лукашэнка с журналістамі

З замежных журналістаў у Мінск прыехалі прадстаўнікі вядучых СМІ Расіі, Казахстана, Украіны, Малдовы. Сустрэча ў Палацы Незалежнасці доўжылася больш за чатыры гадзіны. За гэты час Прэзідэнт Беларусі адказаў на вострыя і актуальныя пытанні. А на пачатку размовы Аляксандр Лукашэнка пазначыў важнасць такога дыялогу:

— Традыцыйна такія сустрэчы — абсалютна найважнейшы канал зносін з шматмільённай аўдыторыяй. Магчымасць акрэсліць пазіцыі па праблемах, якія хвалююць людзей, паразважаць і атрымаць, вядома ж, пэўны водгук. Дастукацца да тых, хто па розных прычынах да канца не зразумеў сутнасці бягучага моманту.

Далей адзначыў:

— У тым ліку і да нашых замежных сяброў, якія часам не зусім дакладна ацэньваюць сітуацыю ў Беларусі і яе месца ў міжнароднай супольнасці.

Свет, паводле слоў Аляксандра Лукашэнкі, сёння жыве ва ўмовах сур’ёзных узрушэнняў, якія патрабуюць глыбокага аналізу:

— Мы практычна ў прамым эфіры назіраем злом звыклага ладу жыцця, апусканне планеты ў сістэмны крызіс. Галоўнай прычынай таго, што адбываецца, многія СМІ называюць каранавірус. Ужо казаў і паўтару, што гэта толькі падстава, шырма, прыкрываючыся якой глабальныя гульцы ў чарговы раз спрабуюць перарабіць свет на свой манер. Зразумела, што ёсць у іх планы і на постсавецкай прасторы, у тым ліку ў Беларусі. Парадаксальна, але гэта важкі аргумент, які пацвярджае, што беларуская дзяржава адбылася, мае палітычную вагу і сур’ёзны эканамічны патэнцыял.

Прэзідэнт таксама падкрэсліў:

— За чвэрць стагоддзя Беларусь пабудавала эфектыўную мадэль дзяржаўнага сацыяльнага ўстройвання, якая дазваляе адстойваць нацыянальныя інтарэсы. Беларусь стала членам клуба і касмічных, і атамных дзяржаў. На аснове высокіх тэхналогій стварае новую эканоміку.

Пазначыў Аляксандр Лукашэнка і краевугольны камень знешняй палітыкі:

— Мы ніколі не стваралі праблем нашым суседзям. Не толькі суседзям, але і далёкім краінам, дзе жывуць нашы сябры: Казахстан, Кітай і гэтак далей. Я ўжо не кажу пра Расію, Украіну, Польшчу, Літву, Латвію. Гэта нашы суседзі, мы іх не выбіралі. Іх не выбіраюць.

Аляксандр Піменаў

Выбар рэдакцыі

Грамадства

Беларуская Амазонка​. Ці стане Палессе аб'ектам сусветнай спадчыны?

Беларуская Амазонка​. Ці стане Палессе аб'ектам сусветнай спадчыны?

Адзін з найбуйнейшых рэгіёнаў, які захаваўся ў некранутым стане і які за разнастайнасць азёр, рэк і балот празвалі Еўрапейскай Амазонкай (ці морам Герадота), усё яшчэ застаецца невядомым шырокаму колу турыстаў

Грамадства

Рэктар БДМУ Рубніковіч: Набор на бюджэтную форму сёлета павялічым

Рэктар БДМУ Рубніковіч: Набор на бюджэтную форму сёлета павялічым

Вялікае інтэрв'ю з рэктарам БДМУ да 100-гадовага юбілею ўніверсітэта.

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.