Сёння ў Магілёўскай вобласці стартаваў пяцідзённы анлайн-форум «Рэгіянальнае ўзаемадзеянне для ўстойлівага развіцця мясцовай эканомікі».
Гэта другі па ліку форум, які сёлета ўпершыню праводзіцца ў дыстанцыйным фармаце з-за складанай эпідэміялагічнай абстаноўкі.
— Мерапрыемства праходзіць у рамках праекта «Сеткавае ўзаемадзеянне для паляпшэння магчымасцяў занятасці ў сельскіх раёнах Магілёўскай вобласці». Праект фінансуецца Еўрапейскім саюзам і рэалізуецца Слаўгарадскім раённым выканаўчым камітэтам у партнёрстве з Быхаўскім, Клічаўскім, Краснапольскім і Чэрыкаўскім раённымі выканаўчымі камітэтамі і Міжнародным фондам развіцця сельскіх тэрыторый, — удакладніла каардынатар праекта Ірына МАРЦІНОВІЧ. — Кожны новы дзень форуму будзе насычаны дыскусійнымі платформамі па тэмах устойлівага развіцця на рэгіянальным узроўні, якія датычацца развіцця мясцовай эканомікі, эка- і аграбізнесу, турызму, сацыяльнага прадпрымальніцтва і лічбавізацыі. Эксперты прадставяць паспяховыя мясцовыя, нацыянальныя і міжнародныя вопыты па развіцці розных напрамкаў жыццядзейнасці грамадства. Будуць выпрацаваны рэкамендацыі для ўзмацнення рэгіянальнага супрацоўніцтва і магчымасці ўстойлівага развіцця тэрыторыі па розных кірунках дзейнасці.
Арганізатарам праекта выступае Міжнародны фонд развіцця сельскіх тэрыторый.
Яго суарганізатары — Магілёўскі абласны выканаўчы камітэт, Праграма падтрымкі Беларусі, Праграма малых грантаў Глабальнага экалагічнага фонду, Асацыяцыя адукацыі для ўстойлівага развіцця, МДУ імя А.А. Куляшова, бізнес-школа «Alfa +».
Нэлі ЗІГУЛЯ
Прэв’ю: moneyplatform.club
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.