Вы тут

Больш за тысячу «вожыкаў» для пашкоджання шын спецтранспарту вырабіў жыхар Мазыра


Галоўным следчым упраўленнем завершана расследаванне крымінальнай справы па падрыхтоўцы да ўдзелу ў масавых беспарадках. Абвінавачаны 40-гадовы мызыранін.


Як паведамляецца на афіцыйным сайце Следчага камітэта, у ходзе расследавання выяўлена, што жыхар Мазыра сёлета ў ліпені-жніўні вырабіў металічныя канструкцыі «вожыкі». Мужчына планаваў перадаць вырабленыя прыстасаванні іншым асобам з мэтай пашкодзіць аўтамабільныя шыны спецтранспарту праваахоўнікаў. Усяго мужчына падрыхтаваў больш за тысячу падобных вырабаў і захоўваў іх на тэрыторыі Мазырскага раёна, а затым перавёз іх у Калінкавічы.

Следчымі ўстаноўлена, што мазыранін з’яўляўся адміністратарам аднаго з каналаў дэструктыўнай скіраванасці ў Telegram, а таксама ўдзельнікам радыкальнага чата. Жыхар райцэнтра Гомельскай вобласці шукаў чалавека, які зможа даставіць «вожыкі» у Мінск. Для гэтага абвінавачаны апублікаваў у адным з чатаў фатаграфію металічнай канструкцыі, размясціў інструкцыю па ўжыванні і інфармацыю аб небяспечных уласцівасцях. На паведамленне адрэагаваў 32-гадовы мужчына, які пагадзіўся забраць вырабы і перавезці іх у Мінск, а таксама перадаць іншым грамадзянам для іх наступнага прымянення.

— Пасля перадачы канструкцый супрацьпраўная дзейнасць мазыраніна была спынена супрацоўнікамі праваахоўных органаў, а прылады злачынства канфіскаваныя, — паведамляе  аддзел інфармацыі і сувязі з грамадскасцю следчага камітэта Рэспублікі Беларусь. — Пры правядзенні следчага эксперыменту ўстаноўлена, што пры кідку «вожыка» з рознай адлегласці і пад рознымі кутамі, канструкцыя заўсёды становіцца паражаючым элементам ўверх. Замеры паказалі, што агульная даўжыня выстаўленых канструкцый перакрывае адлегласць у 77,5 метраў.

Следчымі праведзены допыты сведак і абвінавачанага, вывучаны відэазапісы, высветлены месцы захоўвання вырабаў, даследавана камп’ютарная тэхніка, па якой вялася перапіска і ажыццяўлялася адміністраванне Telegram-канала. Дзеянні абвінавачанага кваліфікаваны па артыкуле падрыхтоўка да ўдзелу ў масавых беспарадках. Ужытая да яго раней мера стрымання ў выглядзе зняволення не змянілася.

Наталля КАПРЫЛЕНКА

Фота sk.gov.by

Выбар рэдакцыі

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.

Грамадства

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Наш даўні сябар — жыхар Вялікай Бераставіцы — Міхаіл Маскальчук даслаў нам чарговы цікавы аповед, які быў запісаны са слоў бацькі Міхаіла, Васіля Маскальчука.

Грамадства

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Днямі аб праекце профільнай дзяржпраграмы журналістам падчас прэс-прэзентацыі расказаў міністр жыллёва-камунальнай гаспадаркі Андрэй Хмель.

Эканоміка

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Пра гэта ў нашай гутарцы з намеснікам старшыні Магілёўскага аблвыканкама Русланам Страхаром.