Вы тут

Каштоўныя паперы і ў валюце маюць вагу


Беларусбанк з трэцяй дэкады лістапада аказвае паслугі кліентам па куплі карпаратыўных аблігацый адной лізінгавай кампаніі 1-га і 2-га выпускаў, намінаваных у беларускіх рублях і доларах адпаведна.


Працэнтная стаўка па аблігацыях фіксаваная і роўная 14 % гадавых у беларускіх рублях і 8,5 % гадавых у доларах. Тэрмін абарачэння аблігацый — два гады.

Нагадаем, падраздзяленне ААБ прапануе нам набыць мноства аблігацый, як той казаў, на розны густ і кашалёк. У чым жа тады перавага названых аблігацый? Справа ў тым, што Беларусбанк ажыццяўляе брокерскае абслугоўванне кліентаў па набыцці аблігацый гэтых выпускаў без камісій. Цяпер каштоўныя паперы гэтай кампаніі можна купіць як непасрэдна ў аддзяленнях банка, так і праз сістэму «Інтэрнэт-банкінг» дадзенага фінансавага інстытута.

Цяпер разгледзім гэтыя аблігацыі больш падрабязна. Аблігацыі ў беларускіх рублях пад 14 % гадавых, з выплатай дывідэндаў — адзін раз на тры месяцы. Аблігацыя мае намінал тысяча рублёў. Аб'ём эмісіі складае 500 тысяч рублёў, гэта значыць, у продажы 500 аблігацый. Рублёвыя аблігацыі маюць невялікую прыбытковасць у параўнанні з кароткатэрміновымі ўкладамі. На кароткатэрміновых дэпазітах сёння можна зарабіць значна больш (у некаторых банках існуюць уклады пад 18,5 % гадавых), праўда лінейка такіх укладаў, як правіла, абмежаваная паўгадавым тэрмінам. Тут жа тэрмін абарачэння два гады. Калі кліенты прыслухаюцца да прагнозаў Нацбанка наконт узроўню інфляцыі ў наступным годзе, то 14 % гадавых у рублях будзе адпавядаць 8–9 % гадавых у валюце.

У выпадку калі спажывец не жадае рызыкаваць (укладаць свае зберажэнні на працяглы тэрмін у нацыянальнай валюце), існуе альтэрнатыва — аблігацыі ў доларах. Гэтыя аблігацыі другога выпуску маюць даходнасць 8,5 % гадавых і намінал 500 долараў. Аб'ём эмісіі складае 500 тысяч долараў, гэта значыць, маем у продажы 1000 аблігацый, але...

Як вядома, доларавыя аблігацыі цяпер толькі апасродкавана з'яўляюцца такімі. Валюта куплі і пагашэння аблігацый — беларускія рублі па курсе Нацбанка на дату здзяйснення здзелкі. Інакш кажучы, наша аблігацыя не мяняецца на рэальныя долары, а толькі «прывязана» да гэтай замежнай валюты.

Заўважу, што рэжым брокерскага абслугоўвання пры куплі аблігацыі ў аддзяленні банка — «сёння на заўтра» (здзелка здзяйсняецца на наступны рабочы дзень пасля дня прыёму дакументаў ад кліента). Купля аблігацый праз сістэму «Інтэрнэт-банкінг» ажыццяўляецца ў рэжыме рэальнага часу — імгненна.

Для тых кліентаў, каму грошы спатрэбяцца бліжэй, чым праз два гады, распрацаваны механізм датэрміновага выкупу. Такі выкуп аблігацый ажыццяўляецца на біржы з выкарыстаннем уладальнікамі аблігацый паслуг Беларусбанка як упаўнаважанага брокера. Датэрміновы выкуп аблігацый ажыццяўляецца па бягучым кошце аблігацый на дату датэрміновага выкупу ў беларускіх рублях па курсе Нацыянальнага банка.

Сяргей КУРКАЧ

Прэв’ю: lifehacker.ru

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.