Вы тут

Пасяджэнне калегій міністэрстваў культуры Беларусі і Расіі пройдзе сёння ў Мінску


Сумеснае пасяджэнне калегій міністэрстваў культуры Беларусі і Расіі пройдзе 26 лістапада ў Нацыянальнай бібліятэцы Беларусі, паведамілі БЕЛТА ў Мінкультуры.


Як чакаецца, удзел у пасяджэнні калегіі прымуць міністры культуры дзвюх краін — Анатоль Маркевіч і Вольга Любімава. Будзе закранута тэма перспектыўных напрамкаў двухбаковага супрацоўніцтва ў сферы культуры.

Як адзначылі ў Міністэрстве культуры Беларусі, цяпер рэалізуецца план супрацоўніцтва паміж профільнымі ведамствамі на 2019-2021 гады. Ён прадугледжвае правядзенне мерапрыемстваў у сферах музейнай і бібліятэчнай справы, тэатральнага і выканальніцкага мастацтва, кінематаграфіі.

Усе мерапрыемствы, запланаваныя на 2019 год, былі выкананы. У прыватнасці, у Мінску, Лідзе, Вішневе, Бабруйску і Магілёве прайшлі Дні духоўнай культуры Расіі ў Беларусі. Прадстаўнікі дзвюх краін прынялі ўдзел у міжнародных фестывалях «Інтэрмузей» і «Славянскі базар у Віцебску», Форуме рэгіёнаў, міждзяржаўнай праграме «Брэст — культурная сталіца Садружнасці 2019», Санкт-Пецярбургскім міжнародным культурным форуме. Акрамя таго, прайшлі гастролі тэатраў, выставачныя праекты, выступленні расійскіх калектываў і выканаўцаў. Адбыліся майстар-класы для студэнтаў мастацкіх і музычных ВНУ Беларусі, а таксама сумесныя пленэры. Расійскія і беларускія фільмы дэманстраваліся на міжнародных кінафестывалях на тэрыторыі дзвюх краін.

У гэтым годзе ў сувязі з эпідабстаноўкай большая частка вочных двухбаковых культурных мерапрыемстваў перанесена на другую палову года. Разам з тым установы культуры Беларусі і Расіі праводзяць абменныя мерапрыемствы анлайн.

У Мінкульце нагадалі, што з канца верасня ў Беларусі адбыліся выставы Наўгародскага дзяржаўнага аб’яднанага музея-запаведніка. Нацыянальны Полацкі гісторыка-культурны музей-запаведнік прыняў экспазіцыю стараверскіх кніг са збораў расійскага музея. У карціннай галерэі Г.Х. Вашчанкі ў Гомелі прайшла выстава работ Івана Шышкіна. У Нацыянальным гістарычным музеі Беларусі адкрылася выстава сучаснага расійскага мастацкага тэкстылю, аўтарскага касцюма і аксесуараў «Эпоха, людзі, жыццё. Прастора мастацтва ХХ стагоддзя», падрыхтаваная Усерасійскім музеем дэкаратыўна-прыкладнога і народнага мастацтва.

Прэв’ю: belarus.by

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Грамадства

Прынцып Інэсы Караткевіч: цаніць кожную хвіліну

Прынцып Інэсы Караткевіч: цаніць кожную хвіліну

«Ні разу не пашкадавала, што прыйшла працаваць у такую ўнікальную структуру, як спажыўкааперацыя»