Вы тут

Радыё «Культура» прысвячае эфiрную акцыю памяцi Караткевiча


Да юбiлею класiка айчыннай лiтаратуры Уладзiмiра Караткевiча на канале «Культура» Беларускага радыё праходзiць тэматычная эфiрная акцыя «Прысвячаецца Уладзiмiру Караткевiчу», падчас якой будуць абвешчаны вынiкi iнтэрактыўнага конкурсу чытальнiкаў «Быў. Ёсць. Буду».


Ушаноўваць 90-годдзе з дня нараджэння выбiтнага лiтаратара спецыялiзаваная радыёхваля Белтэлерадыёкампанii пачала яшчэ ўвесну, калi абвясцiла правядзенне конкурсу чытальнiкаў «Быў. Ёсць. Буду». Нагадаем, да ўдзелу запрашалiся аматары i прафесiяналы, якiя даслалi аўтарскiя прачытаннi паэзii Уладзiмiра Сямёнавiча. Iмёны пераможцаў у розных намiнацыях i ўзроставых групах творчага спаборнiцтва абвясцiлi ў дзень нараджэння Караткевiча ў праграме «Сустрэча пад вечар». У намінацыі «Аматары» першыя месцы занялі Павел Багаслоўскі, Іван Бойкаў, Ганна Сабела і Уладзімір Марозаў. Лепшым у намінацыі «Прафесіяналы» прызнаны Валерый Шушкевіч. А вось па выніках Інтэрнэт-галасавання першае месца прысуджана Івану Гаўрыліну. Гэтую iнфармацыю можна знайсцi і на сайце радыёканала
www.radiokultura.by.

Дарэчы, з кастрычнiка ў «Радыёбiблiятэцы» гучыць твор «Дзiкае паляванне караля Стаха», а праект «Лiтаратурная анталогiя» прапануе слухачам пачуць урыўкi з рамана «Чорны замак Альшанскi» ў прачытаннi акцёра Алега Вiнярскага. Акрамя таго, у рамках праекта для дзяцей i падлеткаў «Дасцiпныя. Нястомныя. Кемлiвыя» па панядзелках i аўторках гучаць фрагменты рамана «Каласы пад сярпом тваiм».

Сёння, 27 лiстапада, у 15.00 i 21.30 праект «Культурныя скрыжаваннi» прапануе аўтарскае прачытанне твора «Каласы пад сярпом тваiм». У выхадныя, 28 i 29 лiстапада, у 9.45 i 16.00 прагучаць вершы Уладзiмiра Караткевiча ў выкананнi народнай артысткi Беларусi Марыi Захарэвiч.

— Вядома, гэта далёка не ўвесь пералiк перадач, у якiх мы згадаем творчасць Уладзiмiра Сямёнавiча, — расказвае дырэктар канала «Культура» Уладзiмiр Трапянок. — Слова Караткевiча не страчвае актуальнасцi, таму яно павiнна займаць годнае эфiрнае месца. Даследчыкi пiсалi, што Караткевiч належыць да першапраходцаў, якiх усё захапляе сваёй велiччу, незвычайнасцю, што тыя захапленне, непасрэднасць паэтычнага ўражання ён iмкнецца перадаць чытачу. У нашым выпадку пiсьменнiцкi дар Уладзiмiра Сямёнавiча праз аўтарскае цi акцёрскае выкананне адразу трапляе ў свядомасць слухача, што ў вынiку прымушае яшчэ больш ганарыцца нашай гiсторыяй i адметнай культурай.

Выбар рэдакцыі

Грамадства

«Пухнацікі» ў горадзе. На вуліцах і ў крамах з'явіўся навагодні антураж

«Пухнацікі» ў горадзе. На вуліцах і ў крамах з'явіўся навагодні антураж

Здаецца, з кожным годам упрыгожваць сталіцу і абласныя цэнтры да Новага года пачынаюць усё раней і раней.

Грамадства

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Намеснік міністра працы і сацыяльнай абароны Марына АРЦЁМЕНКА адзначыла, што дзяржава праводзіць сістэмную палітыку па падтрымцы і рэабілітацыі людзей з інваліднасцю.

Культура

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

Але знаўцы здаўна яго называюць проста рускі — і ўсе разумеюць, пра што гаворка, маючы пры гэтым на ўвазе ўсе заслугі тэатра і тых асоб, якія складалі яго калектыў у розныя гады.