Вы тут

Хто з бюджэтнiкаў зарабляе больш?


На мiнулай сесii Савета Рэспублiкi сенатары разгледзелi законапраект «Аб змяненнi законаў», якi скiраваны на прывядзенне васьмi законаў у адпаведнасць з Указам Прэзiдэнта Рэспублiкi Беларусь ад 18 студзеня 2019 года № 27 «Аб аплаце працы работнiкаў бюджэтных арганiзацый».


Нагадаем, што са студзеня 2020 года аплата працы работнiкаў бюджэтных арганiзацый выконваецца на аснове тарыфнай сiстэмы, уведзенай гэтам указам.

— Колькасць надбавак сур'ёзна зменшылася, сама сiстэма, бясспрэчна, стала прасцейшая, але iдэальнага няма нiчога, — пераканана мiнiстр працы i сацыяльнай абароны Iрына КАСЦЕВIЧ. Адказваючы на пытанне, цi не паўплывала гэта на памяншэнне памеру заробкаў бюджэтнiкаў, кiраўнiк ведамства звярнула ўвагу, што за 9 месяцаў бягучага года тэмп росту ў параўнаннi з аналагiчным перыядам мiнулага года склаў 119,8 %: па галiне аховы здароўя — амаль на 30 %, адукацыi — на 15 %.

— Сёння заробкi ў бюджэтных арганiзацыях апярэджваюць тэмп росту заробкаў па краiне, — удакладнiла мiнiстр у размове з карэспандэнтам «МС». — Сярэдняя заработная плата за верасень ва ўрача складала 1822 рублi, сярэдняга медперсаналу — 1117 рублёў, настаўнiка — 1022 рублi.

Вольга АНУФРЫЕВА

Прэв’ю: spektr.by

Выбар рэдакцыі

Грамадства

«Ніякія межы больш не падзеляць нашу родную зямельку — Беларусь»

«Ніякія межы больш не падзеляць нашу родную зямельку — Беларусь»

Менавіта гэтымі словамі нашы папярэднікі-«звяздоўцы» віталі 17 верасня 1939 года.

Грамадства

Мінск сустракае дзяцей з Данецкай вобласці

Мінск сустракае дзяцей з Данецкай вобласці

Дзеці з Данецкай вобласці прыехалі ў Беларусь на адпачынак і аздараўленне.