Вы тут

У Маладзечне ноччу чацвёра непаўналетніх залезлі ў тытунёвы кіёск і выкралі тавару на 1 400 рублёў


Каля 7 гадзін раніцы праваахоўнікаў на месца здарэння выклікала прадавец кіёска «Табакерка», размешчанага на вуліцы Міра. Па словах жанчыны, у шапіку было разбіта шкло і адкрыта касавае акенца. Па названым адрасе неадкладна выбыла следча-аператыўная група. Падрабязнасці паведамляе УУС Мінскага аблвыканкама.


Так, па прыбыцці супрацоўнікамі міліцыі было ўстаноўлена, што невядомыя, разбіўшы вітрыну, праніклі ў гандлёвы кіёск, адкуль вынеслі цыгарэты, запальнічкі і пачкі кантрацэптываў на агульную суму крыху больш за 1400 рублёў. З месца крадзяжу былі канфіскаваны сляды і запіс з камеры відэаназірання, а таксама іншыя доказы здзяйснення злачынства. Як высветлілася, за ноч зламыснікі двойчы траплялі ў гандлёвае памяшканне. Верагодна, думалі, што застануцца незаўважанымі, аднак увесь «працэс» быў зазняты на відэа.

Каля чатырох раніцы ад разбітага вітрыннага шкла спрацавала сігналізацыя, але гэта не перашкодзіла аднаму з таварышаў залезці ўнутр кіёска і набіць сумку блокамі цыгарэт з прылаўка. Праз шэсць хвілін зламыснікі вярнуліся кампаніяй на месца здарэння, мабыць, здабычы ім аказалася мала — той жа «смяльчак» пайшоў на другі заход. Хапаў блокі тытунёвых вырабаў без разбору і праз разбітае акно падаваў саўдзельнікам. Аднак на гэты раз фартуна да іх не была гэтак добразычлівая і кіёск ледзь не апынуўся пасткай для зладзюжкі — ён не змог пралезці назад і затрымаўся. Тады шляхам адыходу зламыснік выбраў касавае акенца.

Па гарачых слядах аператыўнікам удалося высветліць асобы меркаваных налётчыкаў і затрымаць іх. Імі апынуліся чацвёра навучэнцаў мясцовага каледжа 16 і 15 гадоў. У ходзе правядзення вобыску ў інтэрнаце, дзе пражываюць маладыя людзі, была знойдзена і канфіскаваная частка выкрадзенага. Па словах юнакоў, грошай на куплю цыгарэт не хапае — вырашылі ўзяць у запас. Дзеянні крымінальнага квартэта праваахоўнікі кваліфікавалі па артыкуле «Крадзеж».

Дарэчы, у біяграфіі дваіх непаўналетніх гэта першы канфлікт з законам. У двух іншых, 15-гадовага ўраджэнца Валожынскага раёна, і 16-гадовага падлетка з Мядзела, дробныя крадзяжы ледзь не ператварыліся ў свайго кшталту крымінальнае хобі. За проціпраўныя дзеянні яны неаднаразова прыцягваліся да адміністрацыйнай адказнасці. Цяпер праваахоўнікі ўстанаўліваюць датычнасць падазраваных да іншых падобных інцыдэнтаў.

Сяргей РАСОЛЬКА

Фота з сайта УУС Мінскага аблвыканкама

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Грамадства

Прынцып Інэсы Караткевіч: цаніць кожную хвіліну

Прынцып Інэсы Караткевіч: цаніць кожную хвіліну

«Ні разу не пашкадавала, што прыйшла працаваць у такую ўнікальную структуру, як спажыўкааперацыя»