Нідзе не працуючы 39-гадовы мясцовы жыхар падпаліў уваходныя дзверы ў доме аднавяскоўкі. 52-гадовая гаспадыня жылля выявіла сляды ўзгарання з раніцы - пашанцавала, што агонь не разгарэўся. У доме, акрамя яе, былі дачка і сужыцель, паведамляе аддзяленне інфармацыі і грамадскіх сувязяў УУС Гродзенскага аблвыканкама.
Па дапамогу жанчына звярнулася ў органы ўнутраных спраў, і сышчыкі крымінальнага вышуку па гарачых слядах высветлілі асобу падазраванага. Аказалася, што мужчына напярэдадні позна вечарам хацеў зайсці ў госці да суседкі, але дзверы ніхто не адкрыў. Знаходзячыся ў стане алкагольнага ап’янення, ён вырашыў адпомсціць — узяў запалкі і выраб з пластыка, каб «дзверы дакладна загарэліся».
На шчасце, полымя патухла, а неспрыяльныя наступствы так і не наступілі.
Заведзена крымінальная справа за наўмыснае пашкоджанне маёмасці.
Сяргей РАСОЛЬКА
Фота з сайта УУС Гродзенскага аблвыканкама
Пра гэта ў нашай гутарцы з намеснікам старшыні Магілёўскага аблвыканкама Русланам Страхаром.
Яна ў гэтым годзе на 20 % «таннейшая», чым у папярэднім.
Прыгажуні-гераіні паралельна — выкладчыцы Віцебскага дзяржаўнага музычнага каледжа імя Салярцінскага.
Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.
