Вы тут

У Гомелі падпісалі зварот у падтрымку правядзення чэмпіянату свету па хакеі ў 2021 годзе ў Беларусі


У Гомельскім лядовым палацы сабраліся спартсмены-пачаткоўцы і дасведчаныя хакеісты, ветэраны спорту, аматары хакея, якія выказаліся супраць ідэі аб пераносе 84-га чэмпіянату свету па хакеі з Беларусі.


Спорт павінны перамагчы «брудную» палітыку, такое агульнае меркаванне выказалі ўсе, хто сабраўся.

— У нашай краіне любяць хакей, і права на правядзенне чэмпіянату свету трэба адстаяць перад «бруднай» палітыкай, з якой ён сутыкнуўся, — адзначыў дэпутат Палаты прадстаўнікоў Нацыянальнага сходу Беларусі, старшыня Гомельскага абласнога ГА «Федэрацыя хакея» Віталь Уткін. Ён падкрэсліў, што    ў гісторыі нямала прыкладаў, калі на час Алімпійскіх гульняў спыняліся нават ваенныя дзеянні:

— Няхай і зараз пераможа спорт, пераможа хакей. І хай з вуліц нашых гарадоў сыдуць масавыя беспарадкі, «брудная» палітыка, — упэўнены парламентарый.

У звароце ў падтрымку правядзення чэмпіянату свету па хакеі  адзначаецца, што Беларусь — незалежная дзяржава, і толькі беларусам і IIHF (Міжнародная федэрацыя хакея на лёдзе) варта вырашаць, дзе і як будзе праводзіцца чэмпіянат свету.

— Наша краіна не павінна пазбаўляцца права правядзення чэмпіянату свету па хакеі з-за створанага негатыўнага эмацыянальнага меркавання аб ёй праз пэўную інфармацыйную вайну. Нашы апаненты вядуць спекуляцыю, расхістваюць хакейную сітуацыю... Ёсць выдатны алімпійскі прынцып — спорт па-за палітыкай. Зыходзячы з яго, мы ўпэўненыя: хакею не пойдзе на карысць тое, што гучыць у заявах розных палітыкаў. Спорт не павінен быць рычагом ціску з боку знешніх сіл, — гаворыцца ў звароце.

Яго падпісалі прадстаўнікі спартыўнай грамадскасці Гомеля. Па словах Віталя Уткіна, будзе прадуманы механізм, які дазволіць далучыцца да ініцыятывы ўсім жадаючым.

Сярод тых, хто паставіў подпіс у звароце, — трэнер-выкладчык ДЮСШ — ХК «Гомель» Вячаслаў Звераў. Ён звярнуў увагу, што Беларусь з’яўляецца прадаўжальнікам савецкай школы хакея, а выхаванцы беларускага хакея выступаюць на сусветных арэнах:

— Вялікі скачок у развіцці хакея адбыўся за гады незалежнасці Беларусі. Пабудаваны сучасныя спартыўныя комплексы, аб’екты з развітай інфраструктурай, якія дапамагаюць развівацца як прафесійным клубам, так і аматарскім калектывам, адкрыты дзіцячыя спартовыя школы. А праведзены чэмпіянат свету ў Мінску ў 2014 годзе даказаў: Беларусі па плячы самы высокі ўзровень правядзення спаборніцтваў, — падкрэсліў трэнер.

Капітан хакейнай каманды «Гомель-2005» Мацвей Раманюк таксама лічыць, што Беларусь павінна абараніць сваё права правесці чэмпіянат свету-2021.

— Цалкам няправільна змешваць спорт з палітыкай. Беларусь павінна правесці гэты чэмпіянат. Гэта вельмі важна, — упэўнены гомельскі юны хакеіст.

Зварот накіруюць прэзідэнту Федэрацыі хакея Расіі Уладзіславу Траццяку. Да яго выказана просьба хадайнічаць перад кіраўніком Міжнароднай федэрацыі хакея Рэнэ Фазэлем аб правядзенні ЧС-2021 у Беларусі.

Наталля КАПРЫЛЕНКА

Фота БелТА

Выбар рэдакцыі

Грамадства

Выбіраем аптымальную пару года для пахудзення. Спойлер: і гэта не лета!

Выбіраем аптымальную пару года для пахудзення. Спойлер: і гэта не лета!

Жыццё ў «эпоху спажывання» — сур’ёзнае выпрабаванне для чалавека.

Эканоміка

Нашы фінансы павінны прыносіць даход. Які? Вось у чым пытанне

Нашы фінансы павінны прыносіць даход. Які? Вось у чым пытанне

Адукаваныя людзі загадзя плануюць свой паток фінансаў, размяркоўваючы іх па перспектыўных напрамках, тым самым забяспечваючы сабе нябеднае жыццё.

Грамадства

Жывыя і мёртвыя. Вялікая Айчынная вайна зачапіла амаль кожную беларускую сям'ю

Жывыя і мёртвыя. Вялікая Айчынная вайна зачапіла амаль кожную беларускую сям'ю

Саракавыя-ракавыя раскідалі па свеце людзей, разлучылі цэлыя сем'і, пакінулі дзяцей сіротамі.