Вы тут

Оптавалакно — да кожнага дома


Да канца года ўсе населеныя пункты краіны з колькасцю хатніх гаспадарак сто і больш будуць забяспечаны оптавалаконнай сеткай. Аб гэтым расказаў першы намеснік міністра сувязі і інфарматызацыі Павел ТКАЧ.


— Яшчэ 25 гадоў таму дамашні тэлефон лічыўся раскошай, асабліва ў сельскай мясцовасці. Абумоўлена гэта было не тым, што ён дарагі, а тым, што адсутнічала тэхнічная магчымасць. За мінулы перыяд змянілася многае, перш за ўсё тэхналогіі і запыты людзей, але нязменная засталася пазіцыя дзяржавы і нацыянальнага аператара сувязі — забяспечыць ёю ўсе слаі насельніцтва. Зараз будаўніцтва валаконна-аптычных ліній сувязі да ўсіх населеных пунктаў з колькасцю хатніх гаспадарак сто і больш завяршаецца. Гэта значыць, задача па тэлефанізацыі сельскага насельніцтва ў нас вырашаецца, і яна з'яўляецца адной з прыярытэтных.

Намеснік генеральнага дырэктара па камерцыйных пытаннях РУП «Белтэлекам» Сяргей ТУРОМША расказаў, што на сёння рэалізаваны маштабныя мерапрыемствы для забеспячэння неабходнай інфраструктуры, каб прапанаваць найбольш шырокі спектр паслуг сувязі па ўсёй краіне.

— Па-першае, гэта пракладка оптавалаконных сетак. На сёння прадпрыемства ўжо забяспечыла іх падвядзенне да ўсіх кватэр шматпавярховай забудовы. Цяпер у любым населеным пункце — як у сталіцы, так і ў абласным цэнтры, невялікім раённым цэнтры або гарадскім пасёлку — у шматпавярховым доме ёсць магчымасць падключыць паслугі сувязі на базе такіх сетак. У далейшым плануем іх правядзенне да індывідуальных прыватных забудоў і ў сельскіх населеных пунктах. Задача на найбліжэйшыя тры гады — ахапіць такія з колькасцю домаўладанняў ад 50 і вышэй. Ужо больш за 50 працэнтаў маюць праведзеныя оптавалаконныя сеткі, але трэба выканаць работу ў поўным аб'ёме.

Сяргей Туромша адзначыў, што на сёння асаблівая ўвага аддаецца пракладцы оптавалакна да бальніц, паліклінік, ФАПаў, сельскіх школ.

Дар'я ШЛАПАКОВА

Прэв’ю: iphones.ru

Выбар рэдакцыі

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.

Грамадства

Алена Богдан: Любы рух павінен быць паступальным, а не разбуральным

Алена Богдан: Любы рух павінен быць паступальным, а не разбуральным

Яна расказала чытачам «Звязды», ці плануе Беларускі саюз жанчын стаць першай жаночай палітычнай партыяй у краіне і як гэта — сумяшчаць работу ў дзяржапараце з актыўнай грамадскай дзейнасцю.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Хітра ўладкавана чалавечая памяць. Бывае, нешта ўбачыў-пачуў, а што — хоць забі — назаўтра не ўспомніш, а нешта — якраз наадварот — «ляжыць» там гадамі ці нават дзесяцігоддзямі і ўспамінаецца досыць часта...

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.