Сацработнікі і валанцёры выканалі ўжо 6,6 тыс. заявак на бясплатную дастаўку прадуктаў і лекаў у сталіцы

Адзінокім пажылым людзям і інвалідам бясплатна дастаўляюць на дом прадукты і лекі, паведамляе агенцтва «Мінск-Навіны».

З сакавіка бягучага года ў сувязі з пандэміяй COVID-19 праводзіцца акцыя «Мы клапоцімся пра вас». Яна спрыяе таму, каб людзі з груп рызыкі змаглі паберагчы сябе і застацца дома. Адзінокія пажылыя людзі і інваліды 1-й і 2-й групы могуць скарыстацца паслугай бясплатнай дастаўкі прадуктаў, прадметаў першай неабходнасці, лекаў. Для гэтага ім трэба патэлефанаваць у тэрытарыяльны цэнтр сацыяльнага абслугоўвання насельніцтва свайго раёна або ў Мінскі гарадскі цэнтр сацыяльнага абслугоўвання сям’і і дзяцей і пакінуць адпаведную заяўку. На дапамогу гараджанам прыходзяць сацыяльныя работнікі цэнтраў, валанцёры Беларускага таварыства Чырвонага Крыжа, Беларускага рэспубліканскага саюза моладзі.

— За час акцыі ў сталіцы выканана 6,6 тыс. заявак. У апошні час, па меры пагаршэння эпідсітуацыі, зваротаў стала больш, — адзначыла намеснік старшыні Камітэта па працы, занятасці і сацыяльнай абароне Мінгарвыканкама Ірына Дудка.

Заяўкі прымаюць на гарачых лініях тэрытарыяльных цэнтраў у працоўныя і выхадныя дні з 09:00 да 18:00, цэнтра сям’і і дзяцей — кругласутачна.

Тэлефоны для заявак на дастаўку прадуктаў, лекаў, тавараў першай неабходнасці:

• Завадскі раён — +375 (17) 270-03-54, +375 (17) 304-01-74;
• Ленінскі раён— +375 (17) 317-48-23, +375 (17) 395-40-83;
• Маскоўскі раён — +375 (17) 372-31-14, +375 (17) 372-22-72;
• Акцябрскі раён — +375 (17) 358-74-24, +375 (17) 354-60-28;
• Партызанскі раён— +375 (17) 248-25-52;
• Першамайскі раён — +375 (17) 272-48-06, +375 (17) 255-61-89;
• Савецкі раён — +375 (17) 316-40-15, +375 (17) 234-47-68;
• Фрунзенскі раён— +375 (17) 396-98-01;
• Цэнтральны раён — +375 (17) 305-68-30, +375 (44) 778-96-89.

Мінскі гарадскі цэнтр сацыяльнага абслугоўвання сям'і і дзяцей: +375 (17) 317-32-32, +375 (29) 367-32-32 (А1), +375 (33) 603-32-32.

Прэв’ю: freepik.com/pikisuperstar