Вы тут

Аляксандр Лукашэнка: Фактычна ідзе эканамічная вайна


Прэзідэнт Беларусі Аляксандр Лукашэнка падчас гутаркі са старшынёй Калегіі Еўразійскай эканамічнай калегіі Міхаілам Мясніковічам заявіў, што кіраўнікам краін ЕАЭС час абмеркаваць праблемы, якія накапіліся ў інтэграцыі.


Кіраўнік ЕЭК прыехаў на Радзіму напярэдадні важных інтэграцыйных мерапрыемстваў на еўразійскай прасторы — пасяджэння Еўразійскага міжурадавага савета і Вышэйшага Еўразійскага эканамічнага савета (ВЕЭС). Яны адбудуцца 4 і 11 снежня адпаведна. З Міхаілам Мясніковічам кіраўнік краіны абмеркаваў арганізацыйныя моманты ВЕЭС, найбольш складаныя пункты парадку гэтага пасяджэння, на якое вынесена ажно 28 пытанняў. 24 пытання кіраўнікі краін ЕАЭС разгледзяць традыцыйна ў шырокім крузе, 4 — у вузкім. 

Асноўным пытаннем сустрэчы 11 снежня будзе абмеркаванне Стратэгічных напрамкаў развіцця еўразійскай інтэграцыі да 2025 года.

«Мы дамаўляліся, што мы нарэшце вырашым праблему адзіных рынкаў. Перад усім рынка прыроднага газу, і ў ім адзінае пытанне, якое не ўзгоднена, — гэта сумленны кошт на тарыфы па транспарціроўцы газа.  Для нас і іншых гэта важна. Ёсць пытанне пра ўвоз на тэрыторыю саюза грамадзянскіх самалётаў — Казахстан прапаноўвае. І таксама Казахстан прапаноўвае пытанне кадраў», — пералічыў тэмы для абмеркавання са старшынёй ЕЭК Аляксандр Лукашэнка.

Па словах Прэзідэнта, чарговы саміт Вышэйшага Еўразійскага эканамічнага савета зноў пройдзе ў фармаце відэаканферэнцыі, але Аляксандр Лукашэнка аддае перавагу асабістым сустрэчам і  настойвае, каб без зацяжак і бюракратыі на форуме вырашаліся запланаваныя пытанні.

«Парадак дня вызначаны. Вы ведаеце маю пазіцыю, Беларусі ўвогуле, можа і не толькі — нам час сустрэцца і пагутарыць сам-насам не па тэлевізары, а ў адкрытую, таму што куча праблем: ад ваенна-палітычных да эканамічных. Паслязаўтра ў нас АДКБ (саміт кіраўнікоў краін — удзельніц —«Зв.»), потым эканамічны савет. Сур’ёзныя тэмы для размовы», — сказаў Аляксандр Лукашэнка.

Ён дадаў, што год вельмі цяжкі, але будзе яшчэ і не такое з-за супрацьстаяння эканамічных і палітычных інтарэсаў: «Адна справа — абваліцца. Сусветная эканоміка абвалілася. Гэта значна тычылася і нас, і Расіі, і Казахстана, і Кыргызстана, і Арменіі. Выйсце будзе вельмі складае з гэтай сітуацыі. Вы ж бачыце, пачалося супрацьстаянне, фактычна ідзе эканамічная вайна. Ужо дзесьці непрыкрытая вайна з пераходам на не толькі дыпламатыю ці сродкі масавай інфармацыі, а ўжо запахла гарачым. Я прыводзіў гэтыя факты зусім нядаўна — замашкі асобных нашых суседзяў пад прыкрыццём неслабых дзяржаў», — дадаў Прэзідэнт.

Ён выказаў яшчэ раз спадзяванне, што, магчыма, гэтыя праблемы кіраўнікі краін ЕАЭС змогуць абмеркаваць напярэдадні новага года, як было ў ранейшыя гады, у Маскве ці Санкт-Пецярбургу.

«Мы гатовы ў Мінску прыняць кіраўнікоў дзяржаў, калі будзе такое жаданне. Не важна дзе, але час вельмі сур'ёзна абмеркаваць тыя праблемы, што паўстаюць перад намі, — адзначыў кіраўнік краіны. — Тым больш сітуацыя такая, як Пуцін заўсёды падкрэслівае: “Неабходна быць разам, разам прасцей пераадолець цяжкасці”. Трэба гэтым шляхам і ісці».

Міхаіл Мясніковіч расказаў, як мяркуюць вырашаць пытанні па кошце тарыфаў па транспарціроўцы газа ў ЕАЭС

Як расказаў журналістам Міхаіл Мясніковіч, адным з асноўных пытанняў ВЕЭС стане кошт на тарыфы па транспарціроўцы газа. У ЕАЭС існуе Праграма фарміравання агульнага рынку газа, якая прадугледжвае да 2021 года распрацоўку праекту міжнароднага дагавора, дзе будуць прапісаны дэталі фарміравання кошту і тарыфаў на пракачку газа. Разглядаюцца два варыянта вырашэння праблемы — рабіць гэта на пяць дзяржаў ці рашаць у рамках двухбаковых адносін, адзначыў Міхаіл Мясніковіч.

«І той, і іншы варыянт маюць свае перавагі і свае недахопы. Напрыклад Арменія і Кыргызстан мяркуюць, што можна вырашаць іх пытанні разам з Беларуссю па коштах на пракачку і тарыфы на газ. Але трэба ўлічваць, што ўзровень інтэграцыі і супрацоўніцтва ў рамках двухбаковых адносін мае вельмі моцныя пазіцыі. І часам можна на ўмовах узаемнасці рашаць не ўсе пытанні для пяцёркі, а нешта можна рашаць на двухбаковай аснове», — дадаў старшыня калегіі ЕЭК.

Марыя ДАДАЛКА

Фота БЕЛТА

Выбар рэдакцыі

Палітыка

Лукашэнка: Беларусь і Расія сур'ёзна рушылі наперад у пытанні ўзгаднення саюзных праграм

Лукашэнка: Беларусь і Расія сур'ёзна рушылі наперад у пытанні ўзгаднення саюзных праграм

У Маскве адбылася сустрэча і перагаворы кіраўніка нашай краіны з яго калегам Уладзімірам Пуціным.

Грамадства

Еш ананасы, яблыкі жуй! Як падтрымаць імунітэт без аптэчкі?

Еш ананасы, яблыкі жуй! Як падтрымаць імунітэт без аптэчкі?

З авітамінозам у нас прынята змагацца па-старому...

Грамадства

Брагінскія кавуны з прыстаўкай «эка-»

Брагінскія кавуны з прыстаўкай «эка-»

На Гомельшчыне актыўна рэалізоўваюцца праекты па развіцці тэрыторый, пацярпелых у выніку катастрофы на ЧАЭС. 

Грамадства

Дружыннікі выходзяць на дзяжурства... А разам з імі — і карэспандэнт «Звязды»

Дружыннікі выходзяць на дзяжурства... А разам з імі — і карэспандэнт «Звязды»

Кожны замацаваны за сваім участковым, у кожнага свая зона адказнасці.