15 студзеня, пятніца

Вы тут

Сёлета на Брэстчыне ўладкавалі каля 10 крыніц


Па ініцыятыве Брэсцкага абласнога камітэта прыродных рэсурсаў і аховы навакольнага асяроддзя ўладкавана крыніца ў вёсцы Бялёва Камянецкага раёна. У згаданым раёне многа крыніц з гаючай вадой, а гэтая размешчана найбліжэй да раённага цэнтра.


Сюды прыязджае шмат людзей набраць вады, але раней тэрыторыя зусім не была добраўпарадкавана. Як адзначыла Таццяна МАЖВІЛА, супрацоўніца Брэсцкага абласнога камітэта прыродных рэсурсаў і аховы навакольнага асяроддзя, добрую справу падтрымалі многія людзі, таму атрымалася ладна і прыгожа.

Супрацоўнікі Камянецкай ЖКГ добраўпарадкавалі саму крыніцу, забралі яе ў бетонны калодзеж і ўстанавілі над ім дах. Для камфортнага падыходу зрабілі драўляныя прыступкі. Меліяратары праклалі канал для адводу вады, будаўнікі зрабілі парапет, дарожнікі ўладкавалі з’езд з дарогі да крыніцы. Некалькі працоўных дэсантаў правялі таксама супрацоўнікі абласной і раённай інспекцый прыродных рэсурсаў, валанцёры БРСМ, прадстаўнікі працоўных калектываў. Былі пасаджаны дрэвы, наведзены парадак, устаноўлена таблічка з інфармацыяй пра крыніцу.

Сёння ў Брэсцкай вобласці вядомыя каля 100 крыніц. У гэтым годзе былі ўладкаваны каля дзесяці з іх.

Святлана ЯСКЕВІЧ

Фота з сайта газеты «Камянецкія навіны»

Выбар рэдакцыі

Грамадства

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Што рабіць, калі нечакана маці або бацька сталі вельмі настойліва заяўляць пра сябе?

Культура

Слухаць сняжынкі, сачыць за ростам травы. Янка Сіпакоў не любіў тусовак  і лічыў адзіным багаццем кнігі

Слухаць сняжынкі, сачыць за ростам травы. Янка Сіпакоў не любіў тусовак і лічыў адзіным багаццем кнігі

Вось ужо дзесяць гадоў, як пісьменнік Янка Сіпакоў застаўся ў сваіх кнігах — і тых, што падарыў, а найперш, у тых, што напісаў... А споўнілася б яму сёння 85 гадоў.

Грамадства

Як прайсці тэхагляд ва ўмовах ажыятажу?

Як прайсці тэхагляд ва ўмовах ажыятажу?

«Ахвотных настолькі многа, што скончыліся бланкі».