Вы тут

Беларусь падтрымлівае пашырэнне паўнамоцтваў краін-назіральнікаў у ШАС — Галоўчанка


Беларусь падтрымлівае пашырэнне паўнамоцтваў краін-назіральнікаў у Шанхайскай арганізацыі супрацоўніцтва (ШАС), заявіў прэм’ер-міністр Раман Галоўчанка сёння на пасяджэнні Савета кіраўнікоў урадаў ШАС у фармаце відэаканферэнцыі, перадае БелТА.


Фота: БелТА.

«Нават у няпростых умовах нам неабходна з аптымізмам глядзець у будучыню і прымаць дзейсныя меры па пашырэнню супрацоўніцтва ў першую чаргу ў рамках удасканалення ўдзелу ў Шанхайскай арганізацыі. Як адказны і актыўны ўдзельнік ШАС, Беларусь гатова актыўна падключацца да ўсіх механізмаў і праектах. Мы падтрымліваем працу краін-членаў над новай рэдакцыяй палажэння аб статусе назіральніка пры ШАС, якая дазволіць пашырыць паўнамоцтвы і ўзровень ўцягнутасці ў праграмы і працэсы арганізацыі краін-назіральнікаў і партнёраў па дыялогу», — сказаў Раман Галоўчанка.

Паводле яго слоў, Беларусь гатова дзяліцца ў ШАС вопытам па шырокаму спектру пытанняў. Гэта выкарыстанне сучасных навігацыйных сістэм нагляду за таварамі і грузамі, удасканаленне IT-сферы, барацьба з вірусамі і інш.

Кіраўнік беларускага ўрада падкрэсліў важнасць захавання гуманітарных сувязяў у няпростых эпідэміялагічных умовах. У 2019 годзе сакратарыят арганізацыі прэзентаваў праект «8 цудаў ШАС». Раман Галоўчанка прапанаваў распаўсюдзіць яго таксама на назіральнікаў і партнёраў па дыялогу. Паводле яго ацэнкі, гэта будзе садзейнічаць павышэнню турыстычнага патэнцыялу дзяржаў ШАС.

Прэм’ер-міністр таксама запрасіў краіны ШАС на спецыялізаваны форум, прысвечаны медыцыне. Яго плануюць правесці ў 2021 годзе на пляцоўцы Кітайска-беларускага індустрыяльнага парку «Вялікі камень».

Выбар рэдакцыі

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.

Грамадства

Алена Богдан: Любы рух павінен быць паступальным, а не разбуральным

Алена Богдан: Любы рух павінен быць паступальным, а не разбуральным

Яна расказала чытачам «Звязды», ці плануе Беларускі саюз жанчын стаць першай жаночай палітычнай партыяй у краіне і як гэта — сумяшчаць работу ў дзяржапараце з актыўнай грамадскай дзейнасцю.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Хітра ўладкавана чалавечая памяць. Бывае, нешта ўбачыў-пачуў, а што — хоць забі — назаўтра не ўспомніш, а нешта — якраз наадварот — «ляжыць» там гадамі ці нават дзесяцігоддзямі і ўспамінаецца досыць часта...

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.