Вы тут

Эксперты абмеркавалі асаблiвасцi i магчымасцi палiўных рэсурсаў краiны


Сродкам для змяншэння энергазалежнасцi Беларусi i павышэння энергаэфектыўнасцi павiнна стаць дыверсiфiкацыя выкарыстоўваемых вiдаў палiва шляхам прыцягнення ў энергетычна-палiўны баланс краiны мясцовых вiдаў палiва (МВП) i аднаўляльных крынiц энергii (АКЭ). Аднак праз клiматычныя асаблiвасцi краiны шырока выкарыстоўваць АКЭ не атрымаецца i лепш сканцэнтравацца на атрыманнi энергii ад адходаў. Пры гэтым да 2030 года ў Беларусi плануюць дасягнуць 18 % энергетычнай самастойнасцi i атрымлiваць каля 8 % першаснай электраэнергii ад АКЭ. Пра асаблiвасцi i магчымасцi палiўных рэсурсаў краiны разважалi эксперты.


Не канкурэнт традыцыйным вуглевадародам

У структуры спажывання палiўна-энергетычных рэсурсаў у Беларусi пераважае iмпартуемая нафта (28 %) i газ (62 %). Бiяпалiва выкарыстоўваецца 6 %, вугалю i торфу — 3 %, электраэнергii з прыродных крынiц — 0,53 %. Летась доля газу ў аб'ёме палiўна-энергетычных рэсурсаў (ПЭР), што выкарыстоўваюцца для выпрацоўкi цепла- i электраэнергii, склала ў краiне каля 90 %, расказаў Васiль ГУРСКI, дырэктар Iнстытута эканомiкi НАН Беларусi:

— Доля вытворчасцi першаснай энергii з прыродных крынiц у агульным валавым спажываннi гэтай энергii летась склала каля 7 %. Пры гэтым вытворчасць электраэнергii з выкарыстаннем АКЭ ў агульным аб'ёме яе выпрацоўкi складае 2,7 %. У Германii гэты паказчык 41 %, у Францыi — 20 %, Швецыi — 58 %. Развiццё ўласнай энерга-сыравiннай базы за кошт МВП, i найперш АКЭ, прызнаецца адным з нацыянальных iнтарэсаў краiны.

Пры гэтым аднаўляльная энергетыка ў Беларусi не разглядаецца як канкурэнт традыцыйных вуглевадародаў. Цалкам адмаўляцца ад апошнiх нiхто не збiраецца, i гэта немэтазгодна, таму трэба аптымальна спалучаць АКЭ з традыцыйнымi крынiцамi. Iдэальным у электрагенерацыi многiя эксперты бачаць выкарыстанне ў роўных прапорцыях (па 25 %) розных вiдаў энергii: ад АЭС, прыроднага газу, сродкаў перапрацоўкi адходаў i аднаўляльных крынiц энергii.

— З уводам АЭС больш аптымальнымi становяцца суадносiны: 40 % электраэнергii ад АЭС, а астатняе — за кошт газу, якi паступова будзе замяшчацца МВП i АКЭ. Перспектыўным кiрункам для выкарыстання энергii ад АЭС можа стаць развiццё каляровай металургii, у прыватнасцi, выраб алюмiнiю, а таксама высокадакладнае лiццё, — падкрэслiў дырэктар iнстытута. — Асноўныя крокi далейшага развiцця ў кiрунку мясцовых вiдаў палiва — пашырэнне i выкарыстанне новых вiдаў, якiя атрымлiваюць ад бiямасы, у тым лiку за кошт укаранення газiфiкацыi бiямасы, якая мае на мэце перапрацоўку адходаў драўнiны, стварэнне новых вытворчасцяў па вырабе пелет, драўняных i змешаных з драўняным палiвам брыкетаў, i ўкараненне тэхналогiй выкарыстання бiямасы, у тым лiку з цвёрдых камунальных адходаў.

33 сонечныя днi i адсутнасць мора

Хуткаму развiццю АКЭ перашкаджае тое, што наша краiна не багатая на аднаўляльныя крынiцы, заўважыў Мiхаiл МАЛЬКО, вядучы навуковы супрацоўнiк лабараторыi «Аднаўляльная энергетыка» Iнстытута энергетыкi Нацыянальнай акадэмii навук:

— У нас амаль адсутнiчае гiдраэнергiя. Нават калi мы збудуем ГЭС па эканамiчна абгрунтаваных праектах, сумарна атрымаем каля 250 МВт, што складзе каля 1 % электраэнергii, вырабленай летась (40,451 млрд кВт·г). Такiм чынам па выпрацоўцы электраэнергii ад АКЭ на чалавека мы зоймем апошняе месца ў Еўропе.

Навуковец дадаў, што рэкi Беларусi мялеюць, i гэты працэс будзе ўзмацняцца. Да таго ж краiна знаходзiцца далёка ад мора, а выпрацоўка энергii ад магутнасцi ветру эфектыўная там, дзе краiна мае выхад да мора, якое ператварае сонечную энергiю ў энергiю ветру. Беларусь далёка ад экватара, i ў краiне праз гэта мала сонца. У сталiцы за год набягае толькi 33 сонечныя днi. У Грэцыi сонечная панэль будзе выпрацоўваць у 2,5 раза больш энергii, чым у Беларусi, прывёў ён прыклады.

Такiм чынам трэба арыентавацца на крынiцы энергii, якiя больш эфектыўныя ў сучасных рэалiях. Напрыклад, вучыцца працаваць з бытавымi адходамi бiялагiчнага паходжання i атрымлiваць ад iх энергiю. А таксама выкарыстоўваць торф, запасаў якога ў краiн хопiць больш як на 100 гадоў.

— У дзевяцi тысячах радовiшчаў маецца 2,4 млрд тон выкапняў, распрацоўваецца каля 40 радовiшчаў. Сярод МВП торф займае каля 15 %, штогод здабываецца каля двух мiльёнаў тон торфу, — паведамiў Мiхаiл ХАМIЦЭВIЧ, начальнiк упраўлення тарфяной прамысловасцi Белпалiвагаза.

Цягам 2021—2025 гадоў плануецца павялiчыць спажыванне торфу ў цэментнай галiне да 511 тысяч тон у год, а на цеплакрынiцах ЖКГ — да 100 тысяч тон у год.

Iрына СIДАРОК

Прэв’ю: m.123ru.net

Загаловак у газеце: АЭС, прыродны газ, АКЭ i энергiя ад адходаў

Выбар рэдакцыі

Грамадства

Беларуская Амазонка​. Ці стане Палессе аб'ектам сусветнай спадчыны?

Беларуская Амазонка​. Ці стане Палессе аб'ектам сусветнай спадчыны?

Адзін з найбуйнейшых рэгіёнаў, які захаваўся ў некранутым стане і які за разнастайнасць азёр, рэк і балот празвалі Еўрапейскай Амазонкай (ці морам Герадота), усё яшчэ застаецца невядомым шырокаму колу турыстаў

Грамадства

Рэктар БДМУ Рубніковіч: Набор на бюджэтную форму сёлета павялічым

Рэктар БДМУ Рубніковіч: Набор на бюджэтную форму сёлета павялічым

Вялікае інтэрв'ю з рэктарам БДМУ да 100-гадовага юбілею ўніверсітэта.

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.