Першыя ёлачныя базары пачнуць працаваць у Беларусі 19 снежня, паведамілі БЕЛТА ў прэс-службе Міністэрства лясной гаспадаркі.
«Старт перадсвяточнага гандлю 19 снежня дадуць лясгасы Брэсцкай і Віцебскай абласцей. З 20 і 21 снежня да іх далучацца лясгасы Гродзенскай вобласці, з 21 снежня — Мінскай, з 23 снежня — Гомельскай і Магілёўскай. Усяго арганізавана звыш 1,1 тыс. гандлёвых кропак ад лясгасаў, дзе будзе прадстаўлена прадукцыя па мінімальных цэнах», - распавялі ў прэс-службе.
Праца ёлачных кірмашоў будзе арганізавана ва ўсіх абласных і раённых цэнтрах, на тэрыторыі лясніцтваў і лясгасаў. Як і ў мінулым годзе, прадукцыя лясгасаў у сталіцы будзе прадстаўлена толькі ў двух кропках: у ДЛГУ «Мінскі лясгас» па адрасе вуліцы Баграціёна, 70 (запрацуе з 21 снежня), а таксама на ёлачных кірмашах на вул.Прытыцкага, 146, дзе прадукцыю будзе рэалізоўваць Рэспубліканскі лясны селекцыйна-насенняводчы цэнтр (запрацуе з 22 снежня). Разам з тым лясгасы Мінскай вобласці разгорнуць актыўны гандаль у населеных пунктах, якія цесна прымыкаюць да сталіцы: у Бараўлянах, Сеніцы, Валяр’янаве і інш.
У асартыменце традыцыйна будуць ёлкі, сосны, а таксама навагоднія букеты і дрэвы ў кадках. Што тычыцца апошніх, то іх будуць прадаваць ва ўсіх населеных пунктах з колькасцю насельніцтва звыш 30 тыс. чалавек.
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.