Вы тут

Востраў дабрыні


У Мазыры ёсць сапраўдны востраў дабрыні і міласэрнасці, хоць называецца ён даволі празаічна — прытулак для бяздомных жывёл. Людзі, якія тут працуюць, выконваюць волю сваіх сэрцаў, таму занятак прыносіць радасць і задавальненне. Вядома, яны любяць жывёл і мараць пра тыя часы, калі хатнія гадаванцы больш ніколі не будуць аказвацца на вуліцы. На гэтым здымку — Ірына Неўмяржыцкая (справа) — старшыня грамадскага аб'яднання «Абарона жывёл «Верныя сябры» — і Яна Нехарошава — супрацоўніца пункта часовага ўтрымання. Дзясяты год Ірына кіруе аб'яднаннем, пад яе пільным вокам працуе і прытулак. Яна — былы педагог-выхавальнік, тут функцыянуе чатыры гады, прыязджае на работу за трыццаць кіламетраў. На здымку і сабачка па мянушцы Бім — з цяжкім, але па-свойму шчаслівым лёсам. Рухацца Біму дапамагае інвалідны вазок. Тым, хто пра яго клапоціцца, ён, як і іншыя гадаванцы прытулку, адказвае ўдзячнасцю і безумоўнай любоўю, што патрэбныя ў гэты няпросты час кожнаму.


«Не галоўнае, каб у кожным доме быў сабака, галоўнае — каб у кожнага сабакі быў свой дом», — гэтае трапнае выслоўе стала неафіцыйным дэвізам жыхароў Мазыра, якіх аб'яднала высакародная мэта — дапамагаць бяздомным жывёлам. І ўжо больш за дзесяць гадоў у палескім горадзе працуе грамадскае аб'яднанне «Верныя сябры». Добрым пачынам гэтай суполкі стала рэальная дапамога братам нашым меншым і стварэнне прытулку часовага ўтрымання — на ўскраіне горада, на тэрыторыі былога асфальтавага завода ўзнік незвычайны гарадок для Мухтара, Рэкса, Вольфа, Біма, Кекса, Рэкса... Сёння ў мазырскім прытулку ўтрымліваецца сто чатыры сабакі і трыццаць катоў, статус якіх раней зводзіўся да катэгорыі бадзяжных жывёл. На пачатку мінулага месяца мне выпаў шанц пабыць у кампаніі чатырохногіх насельнікаў гарадка, і я, вядома, не ўпусціў такой цудоўнай магчымасці. Тут даведаўся, што днём і ноччу нясуць службу па абслугованні вялікай арміі хвастатых толькі чатыры супрацоўнікі і некалькі валанцёраў. Значную падтрымку праекту аказвае Мазырскі райжылкамгас, які выдзеліў тэрыторыю, узяў на сябе камунальныя паслугі і наймае работнікаў.

— У прытулку знайшлі сабе надзейную апеку бяздомныя сабакі не толькі нашага горада, прыжыліся тут і «валацугі» з Калінкавіч, з Лельчыц, з навакольных вёсак. Для нас няма розніцы, якая парода альбо ўзрост сабакі, здаровы ён альбо хворы, — стараемся дапамагчы кожнаму. Выходжваем, лечым, даглядаем, стэрылізуем, — расказвае кіраўнік аб'яднання і супрацоўнік пункта Ірына Неўмяржыцкая. — Імкнёмся стварыць для іх нармальныя ўмовы, бо ўсе яны — асобы! У нас кожны «пушок» альбо «шарык» мае законнае імя, на яго заведзены «пашпарт» (нават з фатаграфіяй). А яшчэ наша місія — шукаць і знаходзіць для іх надзейных гаспадароў.

І гаспадары знаходзяцца: дадому паехала ўжо каля сотні гадаванцаў.

Анатоль КЛЯШЧУК

Выбар рэдакцыі

Грамадства

Сёння распачынае работу УНС у новым статусе

Сёння распачынае работу УНС у новым статусе

Амаль тысяча дзвесце чалавек збяруцца, каб вырашаць найважнейшыя пытанні развіцця краіны. 

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.