Вы тут

Беларусь гатова актывізаваць свой удзел у праграмах развіцця сельскай гаспадаркі на Пскоўшчыне


Пра гэта паведаміў намеснік прэм'ер-міністра Беларусі Ігар Петрышэнка падчас пасяджэння ў фармаце відэаканферэнцыі рабочай групы па супрацоўніцтве Беларусі і Пскоўскай вобласці. Перагаворы з расійскага боку ўзначаліў губернатар рэгіёна Міхаіл Вядзернікаў.


«Пскоўская вобласць спецыялізуецца на мясной жывёлагадоўлі, вырошчванні бульбы, агародніны, кармавых культур, яна таксама адзін з галоўных ігракоў у Расіі на рынку вытворчасці свініны. У Беларусі падобная структура сельгасвытворчасці, гэта дае магчымасць арганізаваць пастаянны абмен вопытам, тэхналогіямі і спецыялістамі. Беларускі бок гатовы актывізаваць свой удзел у праграмах развіцця сельскай гаспадаркі ў Пскоўскай вобласці», — перадае словы Ігара Петрышэнкі БелТА.

Ён таксама прапанаваў пашырыць пастаўкі ў гэты рэгіён Расіі прадукцыі беларускага сельгасмашынабудавання — энерганасычаных трактароў, збожжаўборачных і кормаўборачных камбайнаў, зернесушыльных комплексаў, пасяўных і глебаапрацоўчых агрэгатаў. Акрамя прылад для АПК, айчынныя машынабудаўнікі могуць забяспечыць патрэбы Пскоўскай вобласці ў пасажырскай, грузавой, дарожна-будаўнічай і камунальнай тэхніцы.

Ігар Петрышэнка адзначыў: ён ведае, што перад Пскоўскай вобласцю стаіць пытанне кардынальнага абнаўлення парку гарадскіх аўтобусаў, перш за ўсё ў сталіцы рэгіёна.

На думку віцэ-прэм'ера, для Пскоўшчыны актуальныя паслугі беларускіх будаўнікоў у сферы ўзвядзення жылых кварталаў, сацыяльных аб'ектаў з прыцягненнем крэдытных рэсурсаў Банка развіцця Беларусі.

«У цэлым мы гатовы абмяркоўваць любыя прапановы, накіраваныя на актывізацыю двухбаковага супрацоўніцтва, забяспечыць максімальную падтрымку ўсіх узаемавыгадных канструктыўных ідэй і праектаў», — дадаў намеснік прэм'ер-міністра.

Прэв’ю: БЕЛТА

Загаловак у газеце: Аўтобусы і дзіцячыя садкі для суседзяў

Выбар рэдакцыі

Грамадства

Апошняя цыгарэта. Неасцярожнае абыходжанне з агнём пагражае сур'ёзнымі наступствамі

Апошняя цыгарэта. Неасцярожнае абыходжанне з агнём пагражае сур'ёзнымі наступствамі

Летась у краіне адбылося 5958 пажараў, на якіх загінулі 627 чалавек.

Здароўе

Мароз і сэрца: што такое халадовы інфаркт, каму ён пагражае і як яго пазбегнуць?

Мароз і сэрца: што такое халадовы інфаркт, каму ён пагражае і як яго пазбегнуць?

Расказала ўрач-тэрапеўт, загадчык аддзялення прафілактыкі 11-й гарадской паліклінікі Мінска Святлана ЯНУШКА.

Спорт

Алег Шэпель: Сусветны паралiмпiйскi рух многае страцiў ад нашай iзаляцыi

Алег Шэпель: Сусветны паралiмпiйскi рух многае страцiў ад нашай iзаляцыi

Гiсторыя паралiмпiйскага спорту — паказчык развiцця краiны.

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​