Сэрвіс «Анлайн-табло» БЧ дапоўнены бягучым раскладам па вакзалах станцый Віцебск і Магілёў

Гэтая опцыя даступная ў мабільным дадатку «БЧ. Мой цягнік» і на афіцыйным сайце Беларускай чыгункі www.rw.by.

Сэрвіс «Анлайн-табло» дазваляе карыстальнікам атрымліваць інфармацыю пра бягучы час прыбыцця (адпраўлення) цягнікоў, іх спазненні, нумарах платформаў і пуцей адпраўлення (прыбыцця), парадку нумарацыі вагонаў (з «галавы» або «хваста» цягніка), нагадалі ў прэс-цэнтры магістралі. Уся гэтая інфармацыя дублюецца з адзінай сістэмы, якая кіруе інфармацыйнымі табло на вакзалах.

У цяперашні час сэрвіс «Анлайн-табло» прадастаўляе актуальную інфармацыю па вакзалах станцый Мінск-Пасажырскі, Брэст, Віцебск, Гомель і Магілёў.

Сяргей РАСОЛЬКА