Вы тут

Як стварыць у доме навагодні настрой?


Вось i прыйшла зiма. А значыць, можна пачынаць ствараць дома рамантычны, радасны i чароўны настрой. Тым больш што зрабiць гэта можна практычна бясплатна. Яркiя падсвечнiкi, святочныя гiрлянды i арыгiнальныя ёлачныя цацкi могуць атрымацца з падручных i, здавалася б, непатрэбных рэчаў.

Iдэя № 1: атмасфера

Надаць чароўнасць навагодняй ночы дапамогуць прыглушанае святло i расстаўленыя па доме свечкi. Падсвечнiкi можна зрабiць сваiмi рукамi: для гэтага падыдуць слоiкi, вазоны, шышкi i нават палачкi карыцы.

Iдэя № 2: зроблена з любоўю

Ёлачныя цацкi можна зрабiць са старых лямпачак. Для гэтага пакрыйце шкляную паверхню клеем i апусцiце лямпачку ў ёмiстасць з блiскаўкамi.

Iдэя № 3: больш святла

Гiрлянды, якiя свецяцца, гарантавана створаць навагоднi настрой. Павесьце iх лiтаральна ўсюды: на столi i сценах, уздоўж шафаў i дзвярных праёмаў i, вядома ж, на ёлцы. Зрабiць гiрлянды можна самастойна — напрыклад, з гафрыраванай паперы або фольгi.

Iдэя № 4: дары прыроды

Прыгожыя навагоднiя ўпрыгожаннi таксама можна зрабiць з шышак. Для гэтага дастаткова прымацаваць шышкi да стужкi або тонкай вяровачкi. Цяпер засталося развешаць гiрлянды па ўсiм доме — на радасць блiзкiм.

Iдэя № 5: арт-вянок

Святочныя вянкi з яловых галiнак напоўняць дом цудоўным навагоднiм водарам. Акрамя таго, вянкi можна зрабiць з навагоднiх шароў — для гэтага проста замацуйце iх скотчам.

Iдэя № 6: маленькi цуд

Выдатным навагоднiм упрыгожаннем стане маленькая ёлачка, зробленая з шышак, гузiкаў, карункаў, ваўняных нiтак або рознакаляровых стыкераў.

Iдэя № 7: сардэчна запрашаем!

Не забудзьцеся пра дэкор вокнаў i намалюйце прыгожыя марозныя ўзоры. Для гэтага выражце трафарэты са шчыльнай паперы i прыгатуйце фарбу: змяшайце зубную пасту з вадой да густога стану. Цяпер засталося прыкласцi трафарэты да вокнаў i прамакнуць iх губкай.

Iдэя № 8: ядомая гiрлянда

Спячыце духмянае iмбiрнае печыва i зрабiце ў iм невялiкiя адтулiны. Прадзеньце скрозь дзiрачкi стужку i парадуйце блiзкiх арыгiнальнай ядомай гiрляндай.

Iдэя № 9: як у казцы

Вытанчанае навагодняе ўпрыгожанне можна зрабiць са звычайнай галiнкi. Пафарбуйце яе срэбнай фарбай з балончыка i прымацуйце да люстры або карнiза. Потым павесьце на галiнку ёлачныя цацкi.

Iдэя № 10: лунаюць шарыкi

Упрыгожваць ёлачнымi шарыкамi можна не толькi навагодняе дрэва: на вокнах або люстры яны будуць глядзецца не горш. Шарыкi лёгка замацаваць на каляровых стужках i павесiць, напрыклад, на карнiз.

Iдэя № 11: незвычайны падыход

Маленькая кватэра — не нагода адмаўляцца ад ёлкi. Тым больш што традыцыйную ёлку цалкам можна перанесцi на сцяну: намаляваць або скласцi яе сiлуэт з асобных дробных прадметаў. Атрымаецца сапраўдны арт-аб'ект!

Iдэя № 12: у рытме свята

Зрабiць звычайныя шкляныя келiхi па-навагодняму яркiмi даволi проста: дастаткова ўпрыгожыць iх маляўнiчымi атласнымi стужкамi. Усяго некалькi хвiлiн — i звыклыя куфлi зменяцца да непазнавальнасцi.

Прэв’ю: pinterest.com

Выбар рэдакцыі

Эканоміка

Іван Крупко: Забеспячэнне харчовай бяспекі — важнейшы напрамак нацыянальнай палітыкі

Іван Крупко: Забеспячэнне харчовай бяспекі — важнейшы напрамак нацыянальнай палітыкі

 У краіне завяршаецца уборачная кампанія, скончана сяўба азімых культур.

Грамадства

Урач — пра тое, як цяпер праяўляе сябе каранавірус

Урач — пра тое, як цяпер праяўляе сябе каранавірус

«Больш сталі хварэць маладыя людзі, цяжарныя і дзеці».