Пазнаёмiцца з творчасцю людзей з абмежаванымi магчымасцямi можна на выстаўцы «Мой свет у фарбах», якая сёння адкрываецца ў Палацы Рэспублiкi.
Праект арганiзаваны камiтэтам па працы, занятасцi i сацыяльнай абароне Мiнаблвыканкама разам з мастацкай галерэяй «Унiверсiтэт культуры». У экспазiцыi пададзены работы творцаў з устаноў сацыяльнага абслугоўвання Мiншчыны. Работы выкананыя ў розных тэхнiках — акварэль, алейны i акрылавы жывапiс, гуаш, пастэль, алмазная вышыўка i iншыя.
Дарэчы, у Мiнскай вобласцi на базе 23 тэрытарыяльных цэнтраў сацыяльнага абслугоўвання насельнiцтва працуе 25 аддзяленняў дзённага знаходжання iнвалiдаў, якiя наведвае 770 чалавек. На сёння тут працуе больш за дзве сотнi гурткоў (клубаў па iнтарэсах). Кiрункi разнастайныя: дэкаратыўна-прыкладная творчасць, мастацтва, тэатральны, харавы i танцавальныя кiрункi.
Алена ДЗЯДЗЮЛЯ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
