Вы тут

У Брагінскім раёне заклалі яблыневы сад


Яблыневы сад на 300 саджанцаў заклалі ў Брагінскім раёне, што на Гомельшчыне. Гэта сумесны праект па добраўпарадкаванні тэрыторыі, які ажыццявілі супрацоўнікі адкрытага акцыянернага таварыства «Мілкавіта», калектыў сельгаспрадпрыемства «Брагінка» і раённыя ўлады.


Месцам закладкі пладовага саду была абрана тэрыторыя новага малочнатаварнага комплексу «Касачоў», які ўваходзіць у структуру ААТ «Брагінка». Комплекс пабудаваны ў 2019 годзе па праграме пераадолення наступстваў чарнобыльскай катастрофы. Ён разлічаны на ўтрыманне 1,5 тысячы галоў буйной рагатай жывёлы. Поўнае фарміраванне комплексу малочным пагалоўем і выхад на праектную магутнасць плануюць завяршыць да канца года. Тут будзе адкрыта 43 рабочыя месцы. Добраўпарадкаванне тэрыторыі новага малочнатаварнага комплексу — таксама вельмі важны этап стварэння камфортнага асяроддзя для працаўнікоў гаспадаркі.

Саджанцы для саду — а гэта 300 яблынь — набыло адкрытае акцыянернае таварыства «Мілкавіта». Гэта прадпрыемства Гомельшчыны — адна з найбуйнейшых малочных кампаній у краіне. У сваю чаргу сельгаспрадпрыемства «Брагінка» — вядучы пастаўшчык малочнай сыравіны для прадпрыемства-перапрацоўшчыка. Больш за 80 % малака ААТ «Брагінка» пастаўляе на перапрацоўку гатункам экстра.

Як адзначылі ў сельгаспрадпрыемстве, летась работнікі гаспадаркі пасадзілі на прылеглай тэрыторыі новага малочнатаварнага комплексу «Касачоў» 250 яблынь. Ініцыятыву па добраўпарадкаванні сельскай мясцовасці падтрымала прадпрыемства «Мілкавіта».

Гэтая акцыя, па словах дырэктара ААТ «Брагінка» Тамары Кудан, мае сімвалічнае значэнне. Новыя сады — сімвал міру і працвітання, пераемнасці пакаленняў, саюза маладосці і мудрасці.

— Мы разам будуем шчаслівую будучыню роднай Беларусі, разам з усёй краінай выступаем за мір і дабрабыт, за магчымасць спакойна працаваць і глядзець з аптымізмам у заўтрашні дзень, — адзначыла кіраўнік гаспадаркі. — Наш сад таму пацвярджэнне.

Між тым удзел у закладцы новага саду ў Брагінскім раёне прынялі генеральны дырэктар «Мілкавіты» Віталь Нікулін і супрацоўнікі адкрытага акцыянернага таварыства, старшыня раённага выканаўчага камітэта Аляксандр Кохан і начальнік аддзела ідэалагічнай работы, культуры і па справах моладзі Сяргей Даўгулявец.

Наталля КАПРЫЛЕНКА

Фота БелТА

Загаловак у газеце: Маладое дрэва — новая справа

Выбар рэдакцыі

Палітыка

У адказе за гістарычную памяць

У адказе за гістарычную памяць

«Мы толькі цяпер пачынаем усведамляць і падыходзіць да ацэнкі рэальных маштабаў гібелі нашых людзей ад рук фашыстаў і іх памагатых у гады вайны».

Грамадства

Як музей у Вайцяшыне бібліятэку ад закрыцця выратаваў

Як музей у Вайцяшыне бібліятэку ад закрыцця выратаваў

Бібліятэк, што функцыянуюць не ў цэнтральных сядзібах, не ў аграгарадках, а ў значна меншых населеных пунктах, ужо амаль не засталося.

Грамадства

У зоне рызыкі. Як пажылым людзям засцерагчыся ад СOVІD-19

У зоне рызыкі. Як пажылым людзям засцерагчыся ад СOVІD-19

Найлепшым спосабам прафілактыкі з'яўляецца прышчэпка ад COVІD-19.